|
|
Бүген кемнәр туган
|
|
Архив
|
11.12.2022 Җәмгыять
Атна буе йокламаган футбол фанатын паралич суккан26 яшьлек футбол фанаты Цао Катарда узган Футбол буенча дөнья чемпионатының төркем этапларын карап барыр өчен тәүлеккә нибары 2 сәгать йоклаган. Бу чорда матчлар кичке 18.00 сәгатьтән иртәнге 6га кадәр 12 сәгать рәттән диярлек трансляцияләнгән. Моннан соң ир мотоциклында офиска эшкә йөргән һәм көн буена эшләгән. Шушы ритмда ул бер атна яшәгән, гәрчә Кытай турнирның финал өлешендә катнашмаса да. Цаоның сәламәтлеге белән проблемалары чираттагы йоксыз төннән соң башланган. “Мин чираттагы матчтан соң ике сәгать йокладым. Уянгач үземне шулкадәр арыган итеп тойдым”, – дип сөйли Цао. Әмма моңа карамастан, ул планнарын үзгәртми. Эшкә бара. Тышта бик каты җил искән була. Кинәт Цаога иреннәре җил искән якка күчкәндәй кебек тоела. Күз кабаклары да каткандай кебек тоела. “Моңа әллә ни игътибар бирмәдем, офиста ял итәрмен әле дип уйладым”, – Цао ул көнне шула исенә төшерә.
Әмма вакыт үтсә дә, ирнең хәле яхшырмаган, сәер ою тойгысы эшкә комачаулаган. Кытайлы дәваханәгә юлланган. Анда яшь иргә йөз параличы диагнозы куелган. Йокы җитмәү һәм салкын җил аркасында Цаоның ярты битен паралич суккан.
Әле футбол фанаты рефлексотерапия (энәләр белән дәвалану) үтә, сизгерлекне янә тергезер өчен битенә массаж ясата. Һәм дәвалауның бу төре аңа бик ошый икән, ул нәтиҗәләрдән канәгать. Цао кешеләрне үзләрен ныграк хәстәрләргә чакыра.
Югарыда язылган йөз параличы – вакытлыча күренеш. Дөрес һәм үзвакытында алган дәвалау процедуралары ярдәмендә йөзнең сизгерлеген тергезергә мөмкин.
Фото:firstandgoal.ru
Әлфия ШАКИРҖАНОВА |
Иң күп укылган
|