07.11.2022 Криминал

Балалар нигә багажникта кунган?

Иглин районында бертуган өч малай югалып, аларны машина багажнигыннан табулары турында язган идек. Күпләрне тетрәндергән хәлнең нечкәлекләре билгеле булды.

Кечкенә уллары төнне машинаның салкын багажнигында үткәргән күпбалалы анага үз вазыйфаларын үтәмәгән өчен административ беркетмә язганнар. Хәзер хатын 100 сумнан 500 сумга кадәр штраф түләргә тиеш.

Иглин районында бертуган өч малай югалып, аларны машина багажнигыннан табулары турында язган идек. Кечкенә уллары төнне машинаның салкын багажнигында үткәргән күпбалалы анага үз вазыйфаларын үтәмәгән өчен административ беркетмә язганнар. Хәзер хатын 100 сумнан 500 сумга кадәр штраф түләргә тиеш.

Вакыйга 6 ноябрьгә каршы төндә булган, Иглин авылында 12, 10 һәм 5 яшьлек өч малайның югалуы турында борчулы хәбәр таралды. Өлкән баланың сәламәтлек проблемалары да булган, шуңа күрә ул элек тә өйдән качып киткәләгән.

Борчуга калган ата-аналар башта балаларны үзләре эзләгән, аннары волонтерларга һәм полициягә мөрәҗәгать иткәннәр. Эзтабарлар төне буе тирә-юньне тикшергән, елга ярларын карап йөргән. Соңрак балаларның үз йорты алдында торган ВАЗ-2112 автомобиле багажнигында табылуы билгеле булды.

- Малайларны тапканда, алар тыныч кына йоклый иде. Бәхеткә, алар исән һәм медицина ярдәменә мохтаҗ түгел, - дип аныклап уздылар Башкортстанның Гадәттән тыш хәлләр буенча дәүләт комитетында.

Соңрак ачыкланганча, бу кичтә сабыйларның әти-әнисе арасында низаг чыккан. Балалар моны тыңлап тормасын өчен, аларны урамга чыгарып җибәргәннәр. Урамда йөреп, алар шактый туңа һәм күршеләргә җылынырга керергә була. Ә алары балаларны борып чыгара һәм кайтып йокларга куша. Әниләре орышуыннан куркып, балалар бикләнмәгән машинада төн үткәрергә була. Аларны иртә белән полиция хезмәткәрләре таба.

Хәзер малайларның әниләре балаларын тәрбияләүгә игътибарлырак булырга тиеш. Полициядә аңа карата «ата-аналарның балигъ булмаганнарны тәрбияләү һәм тәрбияләү буенча үз вазыйфаларын үтәмәүләре» мәддәсе буенча административ беркетмә төзелүен хәбәр иттеләр. Әлеге мәддә буенча җәза - 100-500 сумга кадәр штраф күздә тотыла, моннан тыш, гаилә опека органнарының ныклы контролендә торачак.

Кызыл таң

Автор:Резида Валитова

---
Матбугат.ру
№ --- | 07.11.2022