поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
01.11.2022 Мәдәният

«Без аның бу теләген, соң булса да, тормышка ашырырбыз»: Камал театрында Наил Дунаевны соңгы юлга озаттылар

Хуш, безнең Дунай, Николай дәдәй, Николай Иванович, Наил абый… Татарстанның халык, Россиянең атказанган артисты, Тукай һәм Җәлил исемендәге дәүләт премияләре лауреаты, профессор Наил (Николай) Дунаевны якыннары, дуслары, сәхнәдәшләре яратып, һәркем үзенчә якын итеп искә алды. Татар җәмәгатьчелеге 60 елдан артык театрга хезмәт иткән легендар щепкинчыларның берсе белән хушлашты.

Күренекле шәхесләрне соңгы юлга озатканда һаман саен аларны кадерләп җиткермәвебезне телгә алабыз. Татарстанның Дәүләт Советы Рәисе урынбасары Марат Әхмәтов та Наил Дунаевны озату мәрасимендә шул хакта әйтте.
 
– Камал театры сәхнәсендә тагын бер якты йолдыз сүнде. Тугрылыклы тамашачылары, сәхнәдәшләре күңелендә бу йолдыз әле озын-озак еллар янар, алар аны сагынып, юксынып яшәр. Театрыбыз сәхнәсе дә буш тормас, яшь, булдыклы артистлар килер. Әмма щепкинчылар исемен йөртә торган, 60 нчы еллар башында театрыбыз тарихына яңа дулкын булып килеп кергән, аңа яңа сулыш өргән артистларыбызның берсен соңгы юлга озату икеләтә авыр. Наил ага – алты дистә елдан артык театрның яңа тарихын язган шәхесләрнең берсе. Ул – күренекле рольләр авторы гына түгел, бөтен җаны-тәне белән 60 елдан артык шушы сәхнәдә яшәгән кеше. Наил ага, 85 яшен тутырган мәлдә, телевидение тарафыннан игътибар җитмәвен үкенеч белән телгә алган иде. Без аның бу теләген, соң булса да, тормышка ашырырбыз, билгеле. Әмма, соңарганчы, тамашачы күңеленә изге җаннар булып кереп калган шәхесләребезгә кадер-хөрмәтне, игътибарны кызганмасак иде, – диде ул.
 
Күңеле пакь иде аның… Мәрхүмне тормыш иптәше Татьяна Дунаева әнә шулай дип искә алды.
 
– Ул Татарстанның йөзек кашы булган театрда эшләве белән чын күңелдән горурлана иде, аның киләчәге якты булуына ышанып яшәде. Артистларга гына түгел, театрда эшләүче һәр кешегә зур ихтирам белән карады. Әмма ул «яратам» дип кычкырып йөрмәде. Ихлас булды, турысын бәреп әйтте, кырыс сүз әйтүдән курыкмады. Күңеленең сафлыгы бар дөньясына җитәрлек иде…
 
Керәшен татарларының алтын баганасы иде! Георгий Ибушев Николай Ивановичның керәшеннәр өчен һәрьяклап терәк-таяныч булуын әйтте.
 
– Халкыбыз бүген сөекле улы белән хушлаша. Сөекле, чөнки аны Татарстан халкы чын күңеленнән яратты, хөрмәт итте. Һәм ул моңа чын мәгънәсендә лаек иде. Ул, кайда гына барса да, безне – керәшеннәрне яхшы яктан күрсәтергә тырышты. Без оештырган бер чараны да калдырмады. Безнең арада килеп чыккан низагларны да төпле сүзе, киңәшләре белән туктата белде. Шул ук вакытта җитди һәм бераз усалрак та иде ул. Хуш, алтын баганабыз, киңәшчебез! Хуш, Николай дәдәй! – диде ул, Татарстан керәшеннәренең иҗтимагый оешмасы исеменнән якыннарының авыр кайгысын уртаклашып.
 
Камал театрындагы аерым бер гаилә – легендар щепкинчылар өчен «Дунайлары”ның китүе аяз көндә яшен суккан кебек булган. Безнең Дунай, гомумән, авырырга тиеш түгел иде, ди Равил Шәрәфиев.
 
– Безнең Камал театры дигән зур гаиләбез бар. Шушы гаилә эчендә инде 62 ел буе щепкинчылар дигән кече гаилә яшәп килә. Без, щепкинчылар, шактый нык, гомерле халык булып чыктык. Әле менә шушы яшьтә дә безнең шактыебыз исән. Җитмәсә, театрда эшләп ятабыз. Бүген арабыздагы физик яткан иң нык, иң озын гомерле булыр дигән Дунаебызны озатабыз. Моңа кадәр әле «йомшаграк агач»лар белән хушлашсак, димәк, хәзер инде имәннәргә дә чират җиткән. Нишләтәсең бит… Дунайның авырып ятуын белгәч, бик кыен булды. Бер дә аңа килешми торган авыру иде ул. Дунай, гомумән, авырырга тиеш түгел иде. Ләкин ул эзсез китмәде, эшен җиренә җиткереп эшләп китте. Кыяфәте белән дә, күңеле белән дә матур кеше иде. Бәхил бул, Коля!.
 
Аның сүзен Ринат Таҗетдин дәвам итте.
 
– 70 яшендә дә сәхнәдә йөгереп йөргән кеше бит ул! Авыр хәлдә ятканда янына барып: «Дунай, болай яту килешми бит инде сиңа! Сине бит театрда көтәләр», – дигәч, чын күңелдән көлеп җибәрде ул. Ләкин тормыш үзенекен итә шул…
 
Якташы, сабакташы, дусты Рабит Батулла мәрхүмне ныклы холкына сокланып искә алды.
 
– Дунай үз эшен эшләп китте. Мөгаллим буларак та, актер буларак та, тәрҗемәче буларак та, балыкчы һәм футбол җанатары буларак та. Ул гаҗәеп үҗәт кеше иде. Һәм шушы эшләрнең барчасын да үҗәтләрчә башкарды. Күбебез театрны ташладык, башка һөнәрләргә күчтек, ә ул хыянәт итмәде. Аның бер генә хатын белән яшәве дә – үҗәтлек. Арабызда хатын алыштыргалаучылар да булды чөнки. Ә Дунайга ныклы холык бирелгән иде. Сәламәтлеге дә нык иде аның. Ләкин гомеренең соңгы 9 аенда интекте, бичаракай. Шушы вакыт эчендә булган гөнаһларын югандыр…
 
Рабит Батулланың сүзләрен Әсхәт Хисмәтнең җылы һәм якты хатирәләре раслады.
 
– 85 яше тулган көнне – 3 майда бакчага алып барып кайттым мин аны. Юл буе сөйләштек. Аның һәр сүзе – тарих бит! Аннан соң әле театрда бергә утырып концерт та карадык. Кисәк кенә авырып китте шул. Ни хастаханәгә, ни өенә бара алмадык, әллә нишләп читенсендек шунда. Хәзер менә соңгы юлга озатабыз… Галәмәт яхшы кеше иде ул. Без – яшь буын электән щепкинчыларга, аларның бердәмлегенә, шәп итеп уйнауларына соклана идек. Оста артист кына түгел, Наил абый оста балыкчы да иде. Театрда балык белән сыйламаган кешесе калдымы икән? Иделдә балык тотканда шалтырата иде дә: «Балык ашыйсың киләме? Килсә, каршы ал мине», – ди иде. Наил абый Идел уртасыннан көймәсе белән йөзеп чыга иде дә, ә мин ярдан каршы ала идем. Кыш көне дә кайтып кермәде балыктан. Гаҗәеп остаз да иде ул. Гомере буе яшьләрне укытты. Безгә дә: «Ялкауланмаска!» – дияргә ярата торган иде, – дип искә алды ул.
 
Әзһәр Шакиров исә мәрхүмне зурлап килгән һәр кешегә олы рәхмәтен әйтте.
 
– Иптәшләрем Дунай турында шундый матур итеп сөйләде, артыгын өстисе дә юк. Безнең өчен иң кадерлесе – бүген сезнең бирегә килүегез, адәм баласын адәмнәрчә итеп соңгы юлга озата алуыбыз, – диде ул.
 
Наил Дунаев үзеннән соң якты эз калдырып китеп барды. Мәрхүмне Казанның Курган зиратына җирләделәр.
 

 


Лилия ГЫЙМАЗОВА
Ватаным Татарстан
№ --- | 01.11.2022
Ватаным Татарстан печать

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»