Гүзәл һәм Илдар Мәскәү белән Казан арасын таптый

Бу көннәрдә Гүзәл Уразова һәм Илдар Хәкимовка Мәскәү белән Казан арасында бик еш йөрергә туры килә. Алар 27 ноябрь көнне Мәскәүнең Кремль концертлар залында узачак “20 ел сәхнәдә" дигән яңа концертка әзерләнә. Бу көнне җырчылар моңа кадәр татар эстрадасында күрелмәгән тамаша тәкъдим итәчәк.

“Безнең өчен бу сезон зур бәйрәм. Яңа форматка бераз оркестр, бераз Шоу-балет, искиткеч визуализация, ут, яңгыр, 3 этажлы сәхнә, яңа талантлар, көтелмәгән кунаклар булачак. «Без 20 ел эчендә булган иң яхшы әйберләрне әзерләдек”, дип уртаклашкан Гүзәл Уразова үзенең социаль челтәрләрдәге битендә.

Мәскәүнең Кремль концертлар залында узачак тамашага бер ай вакыт булса да, билетлар санаулы гына калган дияргә була.

Билетларны өстәмә комиссиясез әлеге сылтама аша алырга мөмкин. Шулай ук билетларны +7(985)200-30-20, +7(915)387-82-45 телефон номерларына шалтыратып та сатып алырга мөмкин.