Ркаил Зәйдулла Салават Фәтхетдиновның Илһам Шакиров премиясен арттыру фикеренә җавап бирә

Ркаил Зәйдулла Салават Фәтхетдиновның Илһам Шакиров премиясен Тукай премиясе дәрәҗәсенә күтәрергә кирәк дигән тәкъдименә карата фикерен белдерде.

Сүз Салават Фәтхетдиновның приз фондына белдергән дәгъвасы турында бара. «Илһам Шакиров кебек кеше соңгы 100 елда тумаячак. Шуңа күрә Илһам Шакиров премиясе кимендә Тукай премиясе белән бәрабәр булырга тиеш. Аннан да югары була алмаса да, ким булмасын. Тукайның үз чоры, Илһам Шакировның үз чоры бар», диде ул Илһам Шакиров исемендәге республика премиясенә багышланган матбугат конференциясендә. 

Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән үткәрелә торган татар телендә язылган әдәби әсәрләргә конкурсына багышланган матбугат конференциясендә Ркаил Зәйдулла җырчының сүзләрен искә төшерде, дип яза "Татар-Информ" МА.

«Уйлап карагыз: 500 мең сум – республиканың дәүләт премиясе суммасы. Сүз дә юк: Тукай премиясенең күләмен арттырырга кирәк. Салават Фәтхетдинов: «Илһам Шакиров премиясен Тукай премиясе дәрәҗәсенә күтәрергә кирәк», дип әйткән. Күтәрсеннәр! Ләкин Тукай премиясе дәүләт премиясе дип атала һәм шуңа күрә ул югарырак булырга тиеш, минемчә», диде ул.

Тукай исемендәге дәүләт премиясенең суммасы – 500әр мең. Нигезләмә буенча, ул өч кешегә бирелә. ТР Президенты карары белән лауреатлар саны артык булса да, комиссия карары белән ким булса да, сумма бер лауреатка 500 мең сум булып кала.