|
|
Бүген кемнәр туган
|
|
Архив
|
12.09.2022 Мәдәният
Казан кинофестиваленең җиңүчеләре ИСЕМЛЕГЕ билгелеЯкшәмбе кичендә «Пирамида» үзәгендә Казан халыкара мөселман киносы фестиваленең ябылу тантанасы узды. Владимир Хотиненко җитәкчелегендәге жюри фестиваль лауреатларын игълан итте. Татарстан һәм Казахстан бергә төшергән «Тарлан» фильмы Казан халыкара мөселман кинофестиваленең «Тамашачы мәхәббәте» призын яулады. Бүләкне Татарстан Республикасы мөфтие урынбасары Ришат Хәмидуллин тапшырды. Призны режиссер Юлия Захарова, фильмның Казахстан Республикасындагы генераль продюсеры Алмагөл Тлеуханова һәм төп герой Закир ролен башкарган Бекежан Маясаров кабул итеп алды. Татарстан Президентының «Кино сәнгатендә гуманизм» махсус призы Казахстаннан «Рух» фильмына бирелде. Призны Татарстан Республикасы Премьер-министры урынбасары, кинофестивальнең оештыру комитеты рәисе Васил Шәйхразиев режиссер Михаил Плискога тапшырды. Казан кинофестиваленең «Милли бәйге» номинациясе җиңүчеләрен Татарстан мәдәният министры Ирада Әюпова игълан итте. «Иң яхшы документаль милли фильм» номинациясендә Зөфәр Хәйруллинның «Посланник» фильмы җиңүгә ирешкән. Призны кинорежиссёр Зөфәр Хәйруллин фильм герое Фәнис белән бергә алды. Режиссёр фильмның күп фестивальләрдә катннашып, уңышлы кабул ителүен ассызыклады. «Иң яхшы милли фильм» - Әмир Галиәскаровның Мөхәммәт Мәһдиевның шул исемдәге повесте буенча төшерелгән «Без 41 ел балалары» фильмы. Казан кинофестиваленең махсус бүләге - Казан шәһәре мэрының призы «Галиябану» фильмына тапшырылды. Махсус призны Казан шәһәре башкарма комитетының Мәдәният идарәсе башлыгы Азат Абзалов тапшырды. Казан халыкара мөселман киносы фестиваленең гран-приын – «Иң яхшы тулы метражлы нәфис фильмы» призын «Тыныч дан» (»Тихая слава») иран фильмы алды. Кинофестиваль статуэткасы фильмның режиссеры Нахит Хәсәнзадәгә тапшырылды.
--- |
Иң күп укылган
|