Өзелгән бармагын дәваханәгә үзе алып килгән

“Тәүдә пациентның бармагының сөяген теккәннәр һәм аны тимер конструкция ярдәмендә беркеткәннәр. Икенче этапта микроскоп астында кан тамырларын, артерияләрен һәм нервларын теккәннәр. Бәхеткә, артерия дефекты җитди булмаган. Шуңа күрә без өстәмә беркетә торган кан тамырлары кулланмадык, нибары артерияне гына тоташтырдык”, – ди табиб-травматолог, ортопед, хирург Герман Англичанинов.

 

"Авыруның бармагы әйбәт береккән һәм төзәлгән. Ул дәваханәдән терелеп чыккан. Арытаба табиблар күзәтүе астында булачак. Бу вакыйгада мине иң гаҗәпләндергәне – өзелгән бармагын яшь ир дөрес итеп дәваханәгә үзе алып килгән. Үзе белән ул чиста боз тутырылган пакет алган. Аның эчендә –  су тутырылган пакет. Ә аның эчендә  – өченче пакет. Пакетта – марля салфеткага төрелгән бармак. Искитмәле хәл бу минем өчен. Бармак өзелү  шок кичертә  бит ул. Ә ир паникага бирелмәгән, бармаксыз каласы килмәгәч, кагыйдәләргә ярашлы итеп аны алып килгән", - ди табиб. 

Фото: пиксабай