|
|
Бүген кемнәр туган
|
|
Архив
|
24.08.2022 Шоу-бизнес
Зөлфия-Җәвит Шакировлар туй фотосын күрсәтте: «35 ел сизелмәгән дә»Шушы көннәрдә гаилә коруларының 35 еллыгын - "Мәрҗән туйларын" билгеләп үткән Зөлфия белән Җәвит Шакировлар кызыклы фото белән уртаклаша. Кадрларда аларның туй көне. «Менә шул истәлекле, мәңге онытылмас, яшь барган саен сагынып искә ала торган вакыйгага 35 ел үтеп киткән. Сизелмәгән дә. Бер, туктап, артка борылып караган мизгел кебек. Рәхәт, мәхәббәтле, бер-береңне аңлап, юл куеп, яратышып яшәгәнгәдер, бәлки? Булганына шөкер итеп, булмаганына өмет итеп яшәгәнгә микән? Бәлки, күпкә кызыкмыйча, азына риза булгангадыр? Икебезнең дә хәләл көчебез белән тапкан малыбызны чама белеп, әрәм-шәрәм итмичә, мактанмыйча, очынмыйча, кадерләп саклап тота белгәнгәдер», – дип уртаклаша Җәвит Шакиров.
--- |
Иң күп укылган
|