|
|
Бүген кемнәр туган
|
|
Архив
|
25.01.2011 Җәмгыять
Ленин онытылмыйЛенинга Кызыл мәйданнан китәргә вакыт. “Бердәм Россия” партиясенең берничә депутаты тарафыннан оештырылган сораштыруда халыкның 70 проценттан артыгы әнә шундый фикердә. Кремльдәгеләр исә бу турыда ләм-мим. Узган җомгада Владимир Ильич Ленинның үлеменә 87 ел тулды. Ә алдагы көнне “Бердәм Россия” партиясенең берничә депутаты пролетариат юлбашчысының мәетен Мавзолейдан алып чыгуны тәкъдим итте. “Ленин исән чагында үзенә бернинди дә мавзолейлар төзергә җыенмаган. Ул үлгәч, аның туганнары да бу фикергә каршы булган, – ди Владимир Мединский. – Алар Ленинны Санкт-Петербургка – әнисе кабере янәшәсендә җирләргә телиләр. Әмма коммунистларга динне алмаштырырлык культ уйлап табарга кирәк була”. Депутат фикеренчә, башта Кызыл мәйданны каберлеккә әверелдерделәр, хәзер шунда ук концертлар оештыру сатанизмга охшап кала.
Ленинны җирләү мәсьәләсе 90 еллар башында ук күтәрелә башлады. СССРның соңгы җитәкчесе Михаил Горбачев мавзолейны бушату ягында булуын яшермәде. 1997 елда Россиянең беренче Президенты хәтта референдум уздырырга да тәкъдим ясаган иде. Әмма, ул вакытта пролетариат юлбашчысын яклаучылар табылды. Бу юлы исә Ленинны җирләү тәкъдиме хәтта “Бердәм Россия”нең сайтында ук пәйда булды. Дөрес, партия генераль советының президиум секретаре урынбасары Юрий Шувалов бу фикернең аерым тәкъдим булуын әйткән. Сайлаулар алдыннан мондый нәрсә белән шаярмыйлар чөнки. Кремльдән дә бу мәсьәләдә фикер ишетелми. Ә менә коммунистлар Мединскийга аның комсомол вакытында Ленин стипендиясен алып ятуын исенә төшерергә өлгерде инде. Ничек кенә булмасын, “Бердәм Россия” партиясенең берничә депутаты тарафыннан оештырылган сораштыруда халыкның 70 проценттан артыгы Ленинны җирләргә кирәк дигән фикерне яклаган. Ә менә Ульяновск мэры Александр Пинкин ул идарә икән чорда каланың исеме үзгәрмәячәген әйтә.
|
Иң күп укылган
|