|
|
Бүген кемнәр туган
|
|
Архив
|
16.07.2022 Шоу-бизнес
Айгөл Бариева: "Үз эчемә бикләнергә бик куркам"Ире Линар арабыздан киткәннән бирле Айгөл Бариева көн дә социаль челтәрдә аңа багышланган фото-видеолар урнаштыра. Аңлаган кешегә кыен түгел инде, Айгөл моны, беренчедән, кайгыдан акыл язмаска, икенчедән, Линарның исемен мәңгеләштерү өчен эшли. Ә шулай да әшәке теллеләр йоклап ятмый. Шундый авыр вакытында да Айгөлгә тузга язмаган сүзләр язалар. Янәсе, ул үзен кызгануларын тели. Имеш, хайп, ягъни аудиториясен арттыру өчен куя. Мондый сүзләрне язу түгел, уйлау да мөмкин түгелдер ул. Хәер, Айгөлнең ярасына тоз салырга теләүчеләр ялгыша. Ул бу тормышта күп сынаулар үтте, аны ниндидер билгесез кешеләрнең мәгънәсез смслары сындыра алмаячак.
“Шушы вакыт эчендә меңләгән кеше кайгымны уртаклашты. Һәм бары өч кеше начар смс язды. Минем турында начар уйлыйлар икән, бу аларның эше. Ләкин Аллаһы Тәгалә бар. Кылган гамәлләрне ул күрә, белә. Линар турында бик күп язачакмын әле. Линар белән озак яшәмәсәк тә, мин бик бәхетле. Әти үлгәч, әнием үз эченә бикләнде. Бу хәлләр үз башымнан узды. Моның ничек тәмамланганын беләм. Үз эчемә бикләнергә бик куркам, шуңа күрә гел сөйлим, куям, үземне кая куярга белмим. Мин – ачык кеше, мин бөтен булганы белән уртаклашам, барысын да күрсәтәм, төшерәм”, - дип язган Айгөл.
--- |
Иң күп укылган
|