|
|
Бүген кемнәр туган
|
|
Архив
|
01.07.2022 Криминал
Татарстанда пенсионерка, оныгын коткарам дип, аферистка 5 млн сум акча күчергәнПолициягә Түбән Камада яшәүче 71 яшьлек хатын-кыз мөрәҗәгать иткән. Ул мошенниклар корбаны булуын әйтте, дип хәбәр иттеләр ТР буенча Эчке эшләр министрлыгының матбугат хезмәтендә. Хатын-кыз сөйләве буенча, кич белән оныгы шалтыраткан. Кыз ярдәм сораган – ул җитди юл-транспорт һәлакәтенә юлыгуын, зыян күрүчеләр барлыгын, үзенең гаепле икәнлеген сөйләгән.
Аннары трубканы хокук саклау органнары хезмәткәре дип таныштырган ир-ат алган. Ул күрсәтелгән счетка билгеле бер сумма күчереп булса, җинаять җаваплылыгыннан котылырга мөмкин булуын әйткән. Аннары сөйләшүне тагын бер ир-ат дәвам иткән, анысы, янәсе, табиб. Ул оныгының да юл-транспорт һәлакәтендә зыян күргәнлеген һәм аңа катлаулы һәм кыйммәтле операция кирәклеге турында сөйләгән, дип яза Татар-информ.
Оныгы өчен куркып, пенсионер ханым күрсәтелгән реквизитларга – 4,6 миллионнан күбрәк акча күчергән.
Акча җибәргәч, хатын-кыз оныгы белән элемтәгә керергә тырышса да, сөйләшә алмаган. Икенче көнне ул кызның әтисенә шалтыратып, бернинди юл-транспорт һәлакәте булмавын белгән. Шуннан соң пенсионер ханым полициягә мөрәҗәгать иткән.
--- |
Иң күп укылган
|