поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 23 Гыйнвар
  • Ркаил Зәйдулла - язучы
  • Алсу Исмәгыйлева - журналист
  • Равил Галиев - җырчы
  • Альберт Кәримов - дәүләт эшлеклесе
  • Ринат Шәмсетдинов - регбичы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
 
 

 
Архив
 
18.01.2011 Җәмгыять

Назаровкада – туганкайлар янында...

2009 елның 19 декабрендә “Бердәмлек” газетасында Михаил Егорович Тазовның “Назаровка – керәшен авылы” дип аталган язмасы дөнья күргәч, ата–бабаларыбыз бер тамырдан чыкканга күрә, алар белән якыннанрак танышасым, яшәү рәвешләрен күрәсем килгән иде.Бераз соңга калып булса да, ниһаять, язмыш мине алар белән очраштырды. Башка районнан кайтышлый, көн кичкә авышкан булса да, мин Кләүле районының Назаровка авылына кереп чыгарга булдым.

Михаил Егорович капкасыннан чыгып, саф татарча:

 

– Исәнмесез! Хуш киләсез, өйгә рәхим итегез! – дип эндәшкәч:

 

– Сез барыгыз да шулай, матур итеп татарча сөйлисезме? – дип сорамый булдыра алмадым.

 

Ә ул миңа:

 

– Татарлар татарча сөйләргә тиеш инде, – дип җавап бирде. Матур итеп җыештырылган өйдә Михаил абыйның тормыш иптәше Надеҗда апа кичке аш хәзерләп йөри иде. Ул да иренең сүзен куәтләгәндәй:

 

– Без бер тамырдан, ата–бабаларыбыз бер бит безнең, – диде.

 

Шуннан соң без бөек татар халкы кичергән шанлы тарих битләренә күз салып, булып узган вакыйгаларны искә төшереп үттек.

 

– Халык санын алган чакта үзегезне кем дип яздырдыгыз соң? – дип сорагач:

 

– Безне әллә ничә төркемгә бүлеп, саныбызны киметергә тырышалар. Паспортыбызда гомер буе татар дип язылган. Балаларыбызга да керәшен түгел, татар дип яздырыгыз, – дип әйттек. – Каенанам бик чиста, пөхтә кеше иде. Аның белән 52 ел гомер иттек. 98 яшендә вафат булуына бер генә ел. Рәхмәт аңа, балаларымны карап үстерде, үзем ферма мөдире, ирем механизатор булып эшләдек.

 

– Без үскәндә бабайлар тарихыбыз, туган авылларыннан ничек итеп бирегә килеп урнашулары турында сөйлиләр иде, әнкәй васыятен тотып, ата–баба яшәгән нигезне күреп, изге чишмә суларын алып кайттым, – дип өстәде Михаил абый.

 

– “Бердәмлек” газетасын яратып укыйсызмы? Нинди язмалар, нинди хәбәрчеләр күбрәк ошый?

 

– Без Рәфгать Әһлиуллин, Эльмира Варфоломееваның язмаларын яратабыз. Күбрәк Камышлы районы, Татарстан турындагы язмаларны яратып укыйбыз.

 

– “Татарстан – Яңа гасыр” телеканалын карыйсызмы соң?

 

– Татарча тапшыруларның берсен дә калдырмыйча карап барабыз.

 

Шунда каяндыр саф татарча музыка яңгырады. Надежда апаның кәрәзле телефонына чылтыраталар икән. Кемнәндер ишетеп, авылда яшәүче кызлары корреспондент килүе турыда кызыксына булып чыкты. Шул арада медицина өлкәсендә эшләүче кызлары Вера Васильева килеп тә җитте.

 

– Яңа елдан барыбыз да “Бердәмлек” газетасына язылдык. Беренче саныннан ук яратып укый торган газетабызга үткән ярты елда ни сәбәпледер безне яздырмадылар. Алты ай буе мәхрүм булып яшәдек. Без Татарстан басмаларын да бик яратып укыйбыз, аеруча "Безнең гәҗит" дип аталганы күңелгә хуш килә. Киләчәктә дә телебез, мәдәниятебез, тарихыбыз югалмасын, безнең балаларыбыз да шуларны дәвам итсеннәр иде. Халык санын алганда барыбыз да үзебезне “татар” дип яздырдык. Татарстанда яшәүче, милләттәшебез, танылган татар язучысы Гәрәй Рәхим белән без якыннан танышлар. Тик нигәдер авылыбызга татар артистлары килми башлады, – дип, килеп керүгә тезеп китте ул.

 

– “Бердәмлек”газетасының кайсы хәбәрчеләре, нинди язмалар сезгә күбрәк ошый? – дип сорадым үзеннән.

 

– Мин аеруча “Кыйбла” кушымтасын, гыйбрәтле язмышлар турында яратып укыйм. Хәбәрчеләрдән Саимә апа Морзаханованың, Наилә Хөсәенованың шигырьләрен ошатам. Ә менә Нурсинә Хәкимованы бер генә тапкыр күреп, сөйләшеп утырсам да, хыялым тормышка ашар иде. Ул нигә бер дә безгә килми икән? Күрсәгез, сәлам әйтегез, ул халыкчан, аңлаешлы итеп яза, – дип җавап бирде Вера ханым.

 

Ә мин моңа каршы:

 

– Шул хәтле Нурсинәне күрәсегез килсә, ул сезнең каршыгызда, сәламнәрегезне җиткерә аласыз, – дип көлеп үк җибәрдем.

 

Менә шушы ачык күңелле кардәшләребез белән шундый җылы аралашу килеп чыкты безнең арада. Кайтышлый без Вера ханым белән авылның мәдәният хезмәткәре Светлана Степан кызы Макароваларга да сугылдык. Ә ул безне кызы Альбина белән каршы алды. Светлана Степановна да үзләренең “Бердәмлек” газетасын яратып укулары, аеруча “Гаилә учагы” сәхифәсе, татарча шигырьләр, Миләүшә Газимованың язмалары ошавы, мәктәптә укыганда авылларына баш мөхәррир Рәфгать абый Әһлиуллинның кунакка килүе, авылда бүген кемнәрнең газетаны өйләренә яздырып алулары, татарча җырларга, биергә яратулары, кызлары Альбина белән Алинәне татар рухында тәрбияләргә тырышулары, ә менә авыл мәктәбендә татар теле укытылмавы һәм башка күп нәрсәләр турында борчылып сөйләде.

 

Чын татар кызлары озын толымлы булырга тиешләр, дигән сүз чыккач, минем кызларым чәчләрен кистермиләр, үстерәләр, дип тә өстәде Светлана.

 

Шулай итеп кич тә җитте. Мин саубуллашып кайтыр юлга кузгалдым. Вера белән Светлана янәдән кунакка килергә чакырып, кул болгап озатып калдылар. Мин шул чакта: "Кардәшлеккә чикләр юк икән", – дип үз уйларыма ирек бирдем. Тагын шулай очрашып күрешергә язсын, туганнар!

 

Назаровка авылы,

Кләүле районы.

 

 

 

Светлана МАКАРОВА кызы Альбина белән.

 

 

Михаил ага ТАЗОВ.

 

Югарыдагы фотода: Вера ВАСИЛЬЕВА.


Нурсинә ХӘКИМОВА
Бердәмлек
№ 3 | 15.01.2011
Бердәмлек печать

Фикерләр

Исем:
E-mail:
Текст:
 
№9 (74574) / 13.03.2011 00:18:01

Мишәр,дус,бу мәкалә керәшеннең дә шул ук татар булуы турында иде бит инде, син һаман татар- керәшен дип бүләсең, керәшен- мишәр дисәң,аңлашыла әле:ике этник төркем,ике диалект.Бу "опасный "тема,бүтән сөйләшмик,милләтара низаг дип,икебезне дә сөртеп ташларлар

№8 (74475) / 12.03.2011 17:43:42

Рифма,мин болай дип язган идем:-Әйе,бу чын керәшен хатыны ,сап-сары тешләре дә ялтырап тора дип.Белмәем,админга нәрсәсе ошамаганды шул җөмләнең.Кичә дә бөтенесен зобаныйлап куйды.Элеккеге Голос Америка мени.
...Просто,татар хатыны булса,авызын йомыбрак төшәр иде дигән фикердә каламын...

№7 (74473) / 12.03.2011 17:27:05

Статья үз урынында,Светлананың тешләрен милләт белән бәйләгән мишярканың комментын сөртеп ташлаганнар, мин һава белән бәхәсләшәм кебек хәзер. Бәлки,син шул вакытка туры килгәнсеңдер.

№6 (74450) / 12.03.2011 11:14:54

Ольга
Статья да комментарийларыгыз да урнында...)))
Минем компьютердан \"баннер\" алынган, сезнеке ничек, М.Ру \"пашет\"ме?  

№5 (74046) / 09.03.2011 19:03:25

Керәшен белән мишәрне тешкә карап аералармы? Фотограф әйтергә тиеш иде,тешегез ялтырый,бәлки авызны йомып төшәрсез, дип.Металлокерамикага барлык мишәрләрнең дә акчасы җитәме?

№4 (74044) / 09.03.2011 18:54:28

Ә мин, без, керәшеннәр Татарстанда гына дип йөри идем. "Безнең гәҗит"не яратып укуларына әллә ни шак катырга кирәкми. Христиан динендә булганнар белән, мөселман динендәгеләрне тигез күрүче бердән-бер газета бит ул! Кайберәүләр кебек, сөйләм теленә, диненә карап, кеше араламыйлар. А.Хәлим ишеләргә: безнең Алабуга керәшннәре дә, Актанышлар кебек (Д) белән сүләшә, нәмә дие.))))))

Самар керәшеннәренә:

№3 (74042) / 09.03.2011 18:48:08

Самара өлкәсендә дә керәшеннәр бар икән,татар мәктәпләре дә эшли микән,һич югы татар теле укытыла микән?

№2 (74039) / 09.03.2011 18:38:14

Самара олкэсе.

№1 (74037) / 09.03.2011 18:33:33

Гафу итегез, бу Кләүле районы кайсы төбәктә?

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar