|
|
Бүген кемнәр туган
|
|
Архив
|
27.06.2022 Фаҗига
Батып үлгән баланы ярдан ун метр ераклыкта тапканнарЮгары Ослан районының Ключищи авылы янында Идел елгасы култыгында 13 яшьлек кыз батып үлгән. Урынга гарнизонның оператив төркеме, шулай ук яшүсмерне эзләү өчен водолазлар килгән. «Татар-информ» мәгълүмат агентлыгына Россия гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә әлеге хәлнең сәбәпләре ачыклау өчен эш алып барылуы турында хәбәр иттеләр.
Коткаручылар урынга килгән вакытка кызны шаһитлар судан чыгарган була. Аны ярдан ун метр ераклыкта тапканнар. Реанимация чараларын үткәргәннән соң, табиблар баланың үлемен терки. Беренчел мәгълүматларга караганда, кыз су коену өчен җиһазландырылмаган урында ата-аналар күзәтүеннән башка суга кергән.
«Сулыкта бала үлеме факты буенча Югары Ослан районы прокуратурасы тикшерү оештырды», – дип хәбәр итте Татарстан прокурорының өлкән ярдәмчесе Руслан Галиев.
Прокуратураның башлангыч мәгълүматлары буенча, кыз өч иптәш кызы белән коену өчен җиһазландырылмаган урында су кергән. Кызлар күпердән сикергән.
«Саксызлык аркасында үлем китерү» маддәсе буенча җинаять эше кузгатылган. Эшне тикшерү күзәтчелек ведомствосында контрольгә алынды.
Аңа кадәр Саба районының Миңгәр авылында буада 18 яшьлек егетнең баткан иде.
Бу урында коену тыелган. Буа янына 4нче зональ эзләү-коткару отряды водолазлары килгән. Алар егетнең мәетен ярдан 30 метр ераклыкта табып алган.
Һава һәм су температурасы төшү сәбәпле, егетне көзән җыерган булырга мөмкин. Кагыйдә буларак, мондый вакытта кеше ярдәмгә дә чакыра алмый.
Көзән җыеру куркынычыннан тыш, боз кебек салкын суга чумган кешенең йөрәге туктарга яки ул сулыш алудан туктарга мөмкин.
Җиһазландырылмаган урыннарда коенган өчен 1-1,5 мең сум штраф каралган, дип искәрттеләр Гадәттән тыш хәлләр министрлыгында.
--- |
Иң күп укылган
|