поиск новостей
  • 18.06-27.08 Театральләштерелгән фольклор шоу. Туган авыл. 18:00
  • 30.06 «Ал яулык, зәңгәр шәл".Тинчурин театры. 18:30
  • 14.07 Ришат Төхвәтуллин. Пермь, Барда авылы. 20:00
  • 25.09 Сезон ачылышы. Уникс. 17:00
  • 29.09-02.10 Гүзәл Уразова. 20 ел сәхнәдә. Уникс. 18:00
  • 23.10 Григорий Лепс. Татнефть Арена. 18:00
  • 09.12-18.12 Илсөя бәдретдинова. Уникс. 18:00
Бүген кемнәр туган
  • 30 Июнь
  • Радик Бариев - актер
  • Зөләйха Хәкимҗанова - актриса
  • Ләйсән Фәйзуллина - актриса
  • Фернат Насибуллин - актер
  • Бер бүлмәле квартира озак вакытка арендага бирелэ. (Гудованцева урамы 29 автобус конечный тукталышында).Бәясе 12000+ком.Бар уңайлыклар да бар.Телефон 89274126362
  • КАЗАН ШЭХЭРЕНДЭ ГРУЗЧИК,ГАЗЕЛЬ ХЕЗМЭТЕ КУРСЭТЭБЕЗ. 89196271171
  • 2 булмэле фатирнын бер булмэсенэ иптэшкэ тэртипле татар кызы кертэм. Д.К.Химиков каршында.8 9272469637
  • Казанда бер булмале квартира, яки студия снимать итэм,но подешевле. Метро якын булса яхшы булыр иде.Новосавиновский, Москоский район, Вахитовский тирэлэре ярый. Риелторлар борчымагыз. Ватсап 89061242981
  • Сатып алам,кирэк булган тачка строительный 89506660021 Казань хэм якын тирэ районнар
  • Ассаляму алейкум! Гостинка яисэ студия снимать итергэ телим. Риелторлар борчымасын. Ватсап: 89872312932
  • Үз эшен белгән татар теле һәм әдәбияты укытучысы кирәк. Казан, Яңа Савин районы. 89503231758 (вацап)
  • Эшли торган зур телевизор AKAI сатыла. Азнакай. 3000 сум тел. 89178808466
  • Аягын, башын бәйләп саварга өйрәтелгән 4 бозаулаган савым сыеры сатам, буазланган,уртача савым 12литрдан 17литргача 85 мен, ватсапка языгыз 89372839839
  • Татарстандагы бер татар мәктәбенә югары белемле эш стажы булган татар теле укытучысы кирәкмиме икән? ватсапка языгыз 89372839839
Архив
 
21.06.2022 Шоу-бизнес

Альбина Апанаева: "Халык артисты матур булмаган сүзләр әйтте. Бик авыр булды"

Альбина Апанаеваның биографиясе киң географияне колачлый: Чаллыда туган, балачагында Германиядә яшәгән, хәзер Казанда көн күрә. Ә тамырлары Әгерҗе белән Чүпрәле районнарына барып тоташа.

– Альбина, Апанаева – атаклы фамилия. Үзеңнекеме ул?
 
– Дөресен генә әйткәндә, өч фамилиям бар: әниемнеке, әтиемнеке һәм иремнеке. Сәхнәгә әниемнең кыз фамилиясе белән, ягъни Апанаева булып чыктым. Гомеремдә беренче чыгышым әниемнең туган ягы Әгерҗедә булды. “Монда әтиеңнең фамилиясен белмиләр, Апанаева дисәң, бөтен кеше беләчәк”, – дип әйттеләр. Шулай итеп, Альбина Апанаева булып калдым.

– Балачагыңда Германиядә яшәгәнсез икән...
 
– Әти хәрби гаскәрләр белән контракт төзеп Германиягә эшкә китте. Аннары без дә әни һәм апам белән шунда күчендек. Ул вакытта миңа 5 яшь иде. Без анда биш ел яшәдек. Россиядән күченеп килгән гаиләләр өчен махсус шәһәрчек төзелгән идек. 1нче сыйныфка шундагы рус мәктәбенә укырга кердем. Музыкаль мәктәптә дә укыдым. Безне мәктәп автобусы килеп ала иде. Немец телен өйрәнеп булмады, чөнки һәрвакыт рус мохитендә булдык. Гаиләдә татарча сөйләштек. Башкортстаннан килгән ике гаилә белән татар телендә аралаштык. Алар белән дуслык Чаллыга кайткач та дәвам итте. Гаиләм белән Германиягә, без яшәгән җиргә барырга хыялланам.
 
– Әтиеңне бик иртә югалткансың...
 
– Әтигә 44 яшь иде. Ул көтмәгәндә йөрәк белән китеп барды. Әти киткәч, кинәт олыгайдым. Әни һәм апа өчен җаваплылык барлыкка килде. Миңа 14 яшь, ә апа беренче курска укырга кергән иде. Әти 14 яшьлек туган көнемә ак зур пион чәчәкләре бүләк иткәне хәтердә. Мине мәктәптән шулай каршы алды. Бу әтиле соңгы туган көнем булды. Әти үлгәннән соң, аңа багышлап шигырьләр яздым. Әни дә аның китүен авыр кичерде һәм бүгенгә кадәр әтигә тугры булып яши. Әти минем җырчы булырга теләвемне белмичә китте. Аны гел юксындым, әти миңа хәзер дә бик кирәк...
 
– Чаллы институтының музыка факультетына кабул ителмәвең дөресме?
 
– Моңа сөенәм генә. Чаллы институтына укырга керә алмаганнан соң, бер ел дәвамында өстәмә рәвештә музыка белән шөгыльләнеп, Казан дәүләт мәдәният институтына укырга кердем. Остазым, 7нче музыка лицее мөгаллиме Нәфисә Исхаковна – Рүзил Гатин, Фәрит Фәйзрахманов кебек танылган артистларны укыткан укытучы. Җырчы булуымда аның роле бик зур. Бервакыт Зәйнәб Фәрхетдинова белән Зөфәр Билалов концертына баргач: “Альбина, син кайчан шулай җырлый башлыйсың инде?” – диде. “Миннән булыр микән соң?” – дигәч, “Әлбәттә, булачак!” – дип мине канатландырды. Әнә шул сүзләре Казан дәүләт мәдәният институтына керергә ярдәм иткәндер дип уйлыйм. Имтиханнар тапшырганда, Дилә Нигъмәтуллина белән таныштым. Бергә фатир “снимать” итеп яшәдек.

– “Чын дустым” дигән җырың бар. Эстрадада дуслык бармы соң?
 
– Әлбәттә, бар! Дилә Нигъмәтуллина, Сөмбел Билалова, Ләйсән Сөнәгәтова белән дус без. Әйткәнемчә, Дилә белән студент елларыннан ук бергә. Без икебез ике төрле һәм бер-беребездән күп нәрсәгә өйрәнәбез. 
 
– Берәр артист белән сүзгә килгән, күңелең кайткан чаклар булдымы?
 
– Булды. Яшь чагында бер халык артисты минем турында бик үк матур булмаган сүзләр әйткән иде. Аңа үпкә сакламыйм, әмма шул чакта бик авыр булган иде.
 
– Тормышыңда иң истә калган чыгышың турында сөйлә әле.
 
– 2011 елда Төркиядә узган “Turkvision” (“Тюрквизион”) Халыкара телевизион җыр бәйгесендә Татарстанны тәкъдим иттем. Анда эләгүемнең сәбәбе үзе бер кызык. “Китәм димә” клибы интернетта күп караулар җыю нәтиҗәсендә мине чакырырга булганнар. Бу җырны мин төрек телендә башкардым. Һәм 20 катнашучы арасыннан беренче бишлеккә кердем. Башкаручылар арасында “Евровидение”дә катнашкан танылган артистлар да бар иде. Бик масштаблы проект булган иде ул. Кинода төшергә дә чакырганнар иде, әмма төрек телен белмәвем комачаулады.
 

Эльвира ШАКИРОВА
Шәһри Казан
№ --- | 21.06.2022
Шәһри Казан печать

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Татаркино
Ханский дом
Татарстан Диния нәзарәте
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»
Piter.tatar