|
|
Бүген кемнәр туган
|
|
Архив
|
20.06.2022 Милләт
Тоснода 25нче тапкыр Сабан туе узды (ФОТО)Ленинград өлкәсенең Тосно шәһәрендә ел саен үткәрелә торган «Сабантуй-2022» бәйрәме узды. Аның төп оештыручысы — Татарстан Республикасының атказанган мәдәният хезмәткәре Иняятулла Гани улы Кутуев иде. «Санкт-Петербург һәм Россиянең Төньяк-Көнбатыш төбәге Мөселманнарының Диния нәзарәте» үзәкләштерелгән дини оешмасы рәисе, мөфти Равил Панчеев, Татарстан Республикасының Санкт-Петербург шәһәрендә һәм Ленинград өлкәсендә даими вәкиле Ренат Вәлиуллин һәм Тосно районы администрациясе бәйрәмдә катнашучыларны җылы сәламләделәр. Сабантуй бәйрәмендә шулай ук Санкт-Петербургның «Ак калфак-Нева» татар хатын-кызларының иҗтимагый оешмасы да актив катнашты. «Сабантуй» бәйрәме татар һәм башкорт халыкларының гореф-гадәтләрендә бик матур һәм искиткеч килеп чыкты. «Ак калфак-Нева» татар хатын-кызлары җәмгыяте «калфак»- милли баш киемнәре экспозициясен тәкъдим итте. Бу кул эшләре иде. «Калфак һәм хатын-кыз яулыгы ярдәмендә татар мөселман хатын-кызының образын булдыру» дигән мастер-класс узды . Хатын-кызлар милли стильдә истәлеккә матур фото ясадылар. Традицион уеннар, татар милли көрәше, капчык киеп ярышу һәм башка бик күп нәрсәләр ярдәмендә Сабантуй бик мавыктыргыч булды. Ленинград дәүләт филармониясе солисты Динар Байтемиров, Разалия Солтанова, данлыклы үзешчән коллективы «Шатлык», Ленинград өлкәсенең Дуслык йорты ансамбле «Файда» белән берлектә дәртле концерт белән чыгыш ясады. Бәйрәм бик җылы һәм дустанә атмосферада үтте.
--- |
Иң күп укылган
|