|
|
Бүген кемнәр туган
|
|
Архив
|
17.06.2022 Фаҗига
Мопед 15 яшьлек кызның башына җиткән?18 майда 17.00 сәгатьтә Чувашстанда яшәүче 32 яшьлек егет, Башкортстанның Бөре районында «УАЗ»ы белән балигъ булмаган кыз идарә иткән «Alpha Lux» мопеды белән бәрелешә. Мопедтагы кыз авыр хәлдә шәһәр дәваханәсенә озатыла һәм реанимация бүлегендә дәвалана. Башта ук табиблар уңай фаразлар бирми, бала комада була, аның сәламәтлек торышы тотрыклы рәвештә бик авыр дип бәяләнә. Кичә аның үлеме турында хәбәр иттеләр. Башкортстан буенча ЮХХДИ мәгълүматлары буенча, кыз мопед белән хокуксыз, мотошлемсыз, нинди дә булса экипировкасыз идарә иткән. Башлангыч мәгълүматларга караганда, анда баш мие имгәнүе диагнозланган.
"УАЗ" шоферына карата «Саксызлык аркасында кеше сәламәтлегенә авыр зыян китерү, транспорт чараларын эксплуатацияләү һәм юл хәрәкәте кагыйдәләрен бозу» мәддәсе буенча җинаять эше кузгатылган. Аның да сәламәтлегенә зыян килгән.
Шунысын да билгеләп үтәргә кирәк: җинаять эше кузгатылган вакытта кыз исән булган; мөгаен, эшне, бала үлеменең нәкъ менә юл-транспорт һәлакәте нәтиҗәсендә булуы расланган очракта, гаепләү белдерер алдыннан аны яңадан квалификацияләрләр.
Җәйге каникулда үсмерләр юл һәлакәтләренә ешрак очрый. Ата-аналар, уяу булыйк!
Автор:Резида Валитова
--- |
Иң күп укылган
|