поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
  • 04.02 "Кәҗүл читек",6+, Кариев театры, 13:00
  • 04.02 Премьера! "Арыну", 12+, Кариев театры, 18:30
  • 05.02 Премьера! "Алтынчәч",12+, Кариев театры,13:00
  • 06.02 "Корт", 12+, Кариев театры, 18:00
  • 12.02-13.02 Татарстан Республикасының атказанган артисты Рәмзия Закирҗанованың юбилее "Матур CITY", 12+, Кариев театры, 18:00
Бүген кемнәр туган
  • 29 Гыйнвар
  • Илья Славутский - актер
  • Илдус Фәиз - дин әһеле
  • Ирек Галиев - җырчы
  • Мансур Гыйләҗев - драматург
  • Ильяс Айдаров - рәссам
  • Зәкия Туфайлова (1907-1977) - язучы
  • Шамил Хаматов - актер
  • Казанда 5млн.тирәсе булган квартира сатып алам.Тел.89172337131
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ. 89196271171
  • Үзебезенең умарталыктан бик яхшы сыйфатлы бал сатыла. 3л-1200 сум. Шулай ук крем-бал -450 грамм-250 сум, ПЖВМ да бар. Кирәк кешеләр 89625497103 телефонына шалтырата аласыз.
  • Фураж сатыла. 17 сумнан. 89539999493
  • Шушы коннэрдэ угез суябыз. Кг 360 сумнан. 89539999493.яшь ярымлык.
  • Гиссарский hэм романовский сарыклар, тэкэлэр, саулыклар (бикэчлэр) сатыла. Шулай ук торле поролы 6 айдан 8 айга кадэрле тэкэлэр, саулыклар (бикэчлэр) сатыла. Сарык итенен кг.400 сумнан. 89874245531 (Ватсап). Балтач районы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
 
 

 
Архив
 
14.01.2011 Могҗиза

Үлеп терелгәннәр

Туу һәм үлү. Кеше тормышындагы бу иң мөһим вакыйгалар зур сер булып кала бирә. Бар нечкәлекләренә кадәр аңлатып булмый торган әлеге халәтләр икесе дә зур сынау. Ни хикмәт, Ходай Тәгалә шулай яраткан, кеше үзенең бу дөньяга аваз салгандагы хисләрен җиткерә алмый, хәтерләми, вафат булган вакытны да тасвирлап булмый. Әмма бакый дөньяны үз күзләре белән күргән кешеләр дә очрый. Бу – үлеп терелгәннәр.

Төш түгел икән

 

Сәкинә апа сәер төш күрә. Имеш, бик күп хәрби кешеләр. Араларында күптән вафат җизнәсе, әтисе дә бар. Сәкинә аларның: «Монда нишләп йөрисең?» – дигән соравына: «Чөгендер алырга килдем», – дип җавап биргән. Әтисе: «Бар кайт, чөгендергә иртә әле сиңа», – дип кайтарып җибәргән. Шул төштән соң Сәкинә апаның күңеленә шик керә. Әллә аның да санаулы гына көннәре калдымы икән?

 

Беркөнне сыер саварга җыенып йөргәндә, кинәт аның хәле начарлана. Күңеле болгана, башы әйләнә, кан басымы төшә. Ашыгыч ярдәм машинасы аны хастаханәгә алып китә. Табиблар, тиз арада операция ясатырга кирәк, диләр. Сидек юллары ялкынсынган, бөердә таш кузгалган.

 

Сәкинә апа бик катлаулы операция кичерә. Бөереннән шактый зур дүрт таш алалар. Операциянең дүртенче көнендә табиб аңа, акрын гына йөреп карагыз, дип киңәш бирә. Сәкинә ханым үзен саклап ятучы апасы ярдәмендә аякка баса. «Карават башына тотынып, апаның урын-җирләрен алыштырганын карап торам, биш минут басып тордыммы икән, кинәт башым әйләнеп, каян икәнен дә аңламый калдым, шаулатып кан китте. Аңымны югалтып егылганмын», – дип искә ала әңгәмәдәшем. Шулчак ул гаҗәп нәрсәләр күрә. Юк, бу төш түгел. Сәкинә озын тоннельдән очып бара, рәхәт, җиңел, еракта яктылык күренә. Кинәт апасының: «Сәкинә, Сәкинә, китмә, Сәкинә!» – дигәне ишетелә.

 

 Ул егылгач, апасы тиз арада табибларны чакырткан икән, аңсыз авыруны тотып селкегәннәр. Аның пульсы, йөрәк тибеше бер мизгелгә туктап калган булган. «Кулларым суынган иде, үзем манма тиргә батканмын. Иреннәр зәңгәрләнгән. Аңыма килгәндә, күз төпләрендә яшь иде. Палатадашларым: «Син нәкъ үлгән кешене хәтерләтә идең. Хәтта сиңа карарга да курыктык дип әйттеләр», – дип искә ала Сәкинә апа.

 

Озын тоннель буйлап

 

Бу күренешне медицина телендә клиник үлем дип әйтәләр. XX гасырда медицина алга киткәч, табиблар вакытлыча үлгән кешеләрне терелтергә өйрәнгәннәр. Нәтиҗәдә кыска гына вакыт эчендә фанилыктан аерылып торган кеше теге дөньяда күргәннәрен сөйли ала башлаган.

 

Клиник үлем, табиблар фикеренчә, ул – яшәештән бакыйлыкка күчкәндәге халәт. Бу вакытта кеше суламый, кан әйләнеше туктый, нерв системасы үлә, әмма кайбер күзәнәкләр эшчәнлеген дәвам итә. Клиник үлемне теләсә кем кичерергә мөмкин, ди белгечләр. Хәтта яңа туган сабыйлар үлеп терелгән очраклар да бар. Гади генә юл һәлакәте, бәхетсезлек очрагы, каты авыру нәтиҗәсендә дә кеше «теге дөньяга барып кайтырга» мөмкин. Клиник үлем, гадәттә, 3-6 минут дәвам итә. 20 минутка кадәр сузылган чаклары да була икән. Җансыз яткан кешеләрнең 10-35 проценты «теге дөньяда» күргәннәрен хәтерли.

 

Психолог Раймонд Моуди клиник үлем кичергән 250 кешенең хис- кичерешләренә анализ ясап, түбәндәге нәтиҗәләргә килгән. Баксаң, мәрткә киткәндә, бар кеше дә бер төрлерәк хисләр кичерә икән: җанның тәннән аерылуы, көчле тавыш, озын тоннель аша очу, ә алда яктылык, күптән вафат туганнарың белән очрашу, узган тормышның күренешләре калейдоскоптагы кебек чагылу, кинәт кире кайтырга кирәклеген аңлау, кайтасы килмәү...

 

 Күптән түгел галимнәр клиник үлем вакытында кешеләрнең тоннель буенча очуын фәнни яктан аңлата алдылар. Баксаң, баш миендәге күз күреме өчен җавап бирүче күзәнәкләр клиник үлем вакытында һава җитмәүдән интегә икән, нәтиҗәдә кеше тар гына тасманы күрә башлый. Ул ниндидер озын торбаны хәтерләтә.

 

 Кыскасы, галимнәр нинди генә ачышлар ясасалар да, үлеп терелүне Ходай кодрәте белән бәйләмичә аңлатып булмыйдыр, мөгаен. Клиник үлем – организм эшчәнлегенең вакытлыча туктап торуымы, әллә Ходай каршына барып кайтумы – монысы мәңгелек сер булып кала бирә.

Липецкта яшәүче берәүне ток суккач, ул клиник үлем кичерә. Шуннан соң, бу ир-ат ацетон, тосол һәм башка шундый агулы химик матдәләрне рәхәтләнеп ашый башлый.

 

Америка галимнәре клиник үлемне кешенең чит планета вәкилләре белән очрашуына тиңли. Үлеп терелгән кешеләрнең күбесенең дөньяга карашы үзгәрә, яңа сәләтләре ачыла.

 

Клиник үлем 3-6 минут дәвам итә, ә бу халәтне кичергән кеше өчен ул еллар узган кебек озак тоелырга мөмкин.


Эльвира МОЗАФФАР
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№15 (68145) / 20.01.2011 11:56:23

әле кыйнаулар турында язмагансың Нурислам.

№14 (68141) / 20.01.2011 11:44:14

Үлгәч мөселманнарны паталогоанатомга алып бару, яки ярдыртып тикшереп карау тиешле түгел дип беләм.
Ялгышсам, белүчеләр әйтер.
Көзге белән тикшерү дөрес.
Мәрткә киткәч, күмелү очракларының никадәр икәнлеген Аллаһ белә.
Бу әйбер тәкъдир белән бәйләнгән булуы мөмкин.
Әмма без динебез исламга читтән генә карамаучылар буларак, үлем, кабер һәм җәһәннәм газапларының хакыйки икәнлеген беләбез.
Үлгәннән соң, кешенең җаны, яхшы яки яман булуына карап, бик югарыга Аллаһ хозурына күтәрелә, яки беренче каттан да үткәрелми. Беренче очракта бик югары күтәрелгәндә туннель аша чыгып,рәхәткә ирешү - шушы югарыга күтәрелә торган җан өчен булуы мөмкин.
Аллаһ белүче.

Һәм күмүчеләрдән, соңгы кеше кабердән 40 адым киткәннән соң, җаннан сорау алу башлана.
Ибн Умардан хәбәр ителә: "...Кемдер аңардан сорады: Әллә син үлгәннәргә мөрәҗәгать итәсеңме?" Моңа җавап итеп пәйгамбәребез ﷺ әйтте: "Алар сездән начар ишетми, әмма җавап бирә алмыйлар!" - диде."

Глава: Покойный слышит стук сандалий.
638. (1338). Передают со слов Анаса бин Малика, да будет доволен им Аллах, что пророк, да благословит его Аллах и приветствует, сказал:
«После того как раба Аллаха положат в его могилу, а его товарищи повернутся и уйдут, и он даже услышит стук их сандалий, к нему явятся два ангела, усадят его и спросят его: “Что говорил ты об этом человеке, Мухаммаде, да благословит его Аллах и приветствует?” Он ответит: “Я свидетельствую, что он — раб Аллаха и Его посланник”, после чего ему скажут: “Посмотри на место своё в огне: Аллах заменил его для тебя на место в раю”».
(Затем) пророк, да благословит его Аллах и приветствует, сказал: «И он увидит оба этих места. Что же касается неверного (или: лицемера), то он ответит (ангелам): “Не знаю, я лишь повторял то, что говорили люди”. Тогда ему скажут: “Ты не знал и не читал!”1 — а потом ему нанесут удар железным молотком между ушей, и он издаст такой крик, который услышат все те, кто окажется поблизости от него, кроме людей и джиннов». "

Татарда әҗәле җитми, беркем дә үлми дигән әйтем бар.
Аллаһ тәгалә Коръәни Кәримдә ачык аятьләр рәвешендә үлем һәм үлгәннән соң безне нәрсә көтүе турында күп тапкырлар кисәтә. Менә шундый аятьләрдән берсе:

"42.Аллаһ кеше үлгəндə аның җанын алыр. Исəннəр йоҡлағанда, Аллаһ аларның рухын үзенə алып торыр. Шулай итеп, үлемгə хөкем
ителгəннəрнең рухын үҙ янында ҡалдырыр. Йоҡлаучыларның җанын мəгълүм бер ваҡытҡа чаҡлы тəннəренə кире ҡайтарып торыр. Шик юҡ, фикер
йөртүчелəр өчен монда гыйбрəтлəр бар." (39 нчы сүрәдән)

Мәрткә китүчеләр арасыннан кайберләре, Аллаһыдан бирелгән фитрый иманнарына тугры калып, намазларын торгызалар һәм Аллаһка гыйбадәт кыла башлыйлар.

"43. Намазларны үтәгез һәм зәкәт садакасын бирегез һәм намаз укучылар белән бергә намаз укыгыз, ягъни Коръән юлыңда булган мөселманнардан аерылмагыз!" (2 нче сүрәдән)

№13 (67861) / 17.01.2011 15:56:51

Нинди өченче очрак, күкекәем, я-я булгач, 2 генә була түгелме соң инде? Менә ич ул мин исән. Ә шылды, аны әйтәсең икән.))))))
3 нче очрак бар, ник булмасын,үлсәң ярар, үлдең - беттең, ә исән калып кемгәдер имгәк һәм артык кашык булып ятсаң, Алла сакласын. Шуңа күрә Аллаһы Тәгаләгә рәхмәтле булып торсам да һаман аз әйтәм кебек тоела, тормышымны тоташ рәхмәтләрдән генә төзесәм дә чак кына булыр иде. Кайчан өйрәнеп җитәрмен моңа?

№12 (67834) / 16.01.2011 22:49:48

врачлар я үлә, я кала дигән булганнар. ))))
3 нче очракның да булуы мөмкин идеме Энҗебикә?

№11 (67760) / 16.01.2011 00:31:02

Ә мин тоннель дә, яктылыкны да күрмәдем, бер тәүлек буе аңыма килми яткан вакытта мин бик матур, стеналары бизәкләп эшләнгән алсу бүлмәдә йөргәнемне хәтерлим, андый искиткеч әкияти бүлмәне минем җирдә күргәнем юк әле. Анда шундый рәхәт иде. Аннары ул юкка чыкты һәм мин күземне ачканда реанимация бүлмәсендә күрдем, сестра тиз генә врачны чакырды һәм мине палатага күчерделәр, аннан соң елап беткән кызым мине саклаган вакытта минем белән нәрсә булганын сөйләде, врачлар я үлә, я кала дигән булганнар. Шуннан бирле теге бүлмәне һич оныта алмыйм. Икенче тапкыр операция вакытында кышын салкын реанимациядә ниндидер яктылыкның мине туңдырмыйча җылытып торганын хәтерлим, бу җылылык миңа шулай ук аңлатып булмый торган рәхәтлек биреп торды. Бу дөньяда без аңлый алмаган нәрсәләр бик күп икән.

№10 (67759) / 16.01.2011 00:14:50

Ошбу юлларны язучы, үзен ашыгыч ярдәм машинасы саолнының түшәменнән күргәне булды.

№9 (67758) / 16.01.2011 00:09:53

Чүп сүз. Моргка килеп эләккәндә бернинди парлану булмый.
Кире кайтучылар гадәттә яшен бәрү,ис тиеп егылучылар, ток суккан очраклар арасында күп була.

№8 (67756) / 16.01.2011 00:03:56

Ачыклап була, үлгән кешенең авыз-борын тирәсенә кечкенә көзге куеп карыйлар ди, әгәр ул парланса, сизелер сизелмәс парлану булса да исән икәнлекне күрсәтә диләр.

№7 (67754) / 15.01.2011 23:40:00

патологанатом ачыклый ала әлбәттә.

№6 (67750) / 15.01.2011 23:02:58

Ачыклап булмый микән аны?Үлмәгәнлеге беленергә тиештер бит инде.

№5 (67749) / 15.01.2011 22:52:32

Очраклары бар гына түгел Алсу, бик күп кеше летаргия вакытында җирләнә, диләр экспертлар.
Бездә мөселманнарда бигрәк тә, кич үлсә иртән күмеп тә куялар.

№4 (67742) / 15.01.2011 22:18:58

Әйе, могҗизалы хәлләр турында күп ишетәбез.Мәрткә китеп күмеп кую очраклары да бар бит.

№3 (67729) / 15.01.2011 20:41:04

Мин узем кичергэннэрне тасвирлыйм.Давлением тошеп бетеп реанимация булегенэ китерделэр.Иптэшем ике балам озата килделэр.Мин акрын гына анымнын сунэ баруын сизгэч иптэшемэ нашатырка иснэтергэ куштым,мине югалтмыйча эндэшкэлэп торуын утендем.Бераздан сон мин нашатыр исен сизми башладым.Аннан сон ишету югалды, тып-тын булып калды хэм мин шул тоннелгэ очтым.Тоннель озын икенче башында яктылык куренэ.Шуннан сон ботен донья ап-ак хэм яп-якты булды,сихри рэхэт тынлык.Бераздан мин уземнен жанны булмэ буйлап очып йоруен анладым, чонки кроваттэ яткан уземнен хэрэкэтсез гэудэне курдем.Тавышсыз кино карагандагы кебек булды.Врачлар,сестралар йогерешэлэр иде,хатынны, балаларны палатадан чыгармакчы булалар, тегелэр минем гэудэгэ чытырдап ябышканнар, чыкмаска тырышалар,барысы да елый.Мин аларга эндэшэм, барысы да яхшы бит,мина рэхэт ник елыйсыз дим. Болар мине ишетмилэр. Тимэгез аларга, утырсыннар дип сестраларга эндэшэм. Алар да мине ботенлэй ишетми. Мин уземнен улгэн булуымны анладым хэм кече улымнын бигрэк бэлэкэй булуын куреп \"Я алла бу баланы мина устереп бетерергэ момкинлек бир, алып китми тор\" дип ялвара башладым хэм бик ерактан-ерактан шул баланын елау тавышын ишетэ башладым. Бала тавышы якыная-якыная барды хэм мин кабат уз гэудэмдэ аныма килдем, иптэшемэ эндэштем \"Тынычланыгыз, балаларны ойгэ кайтарып куй, еламагыз\" дидем.Болар мине ишеттелэр хэм тып-тын булып калдылар.Мин уземнен купмедер вакыт улеп-терелуемне анладым.Ул вакыт мина бик озак булып тоелды.Ул вакыттагы рэхэт тынлык хэм яктылыкны минем тагын кичерэсем килде.Лэкин бутэн кабатланмады... Шуна курэ балам хакына алахы тэгалэ мина кире тормыш бирде дип уйлыйм хэм вакытны бушка уздырмаска тырышып, эшлэнэсе эшлэрне башкарып житешергэ тырышып яшим. Кем белэ бит аллахы тэгалэ мина бу эшлэр очен купме вакыт биргэнен, э анын алдында вэгъдэне утэргэ кирэк...

№2 (67484) / 14.01.2011 09:44:40

Может Ленин?

№1 (67480) / 14.01.2011 08:33:38

Кайсыдыр генсек клиник улем кичергэн дилэр. Брежнев бугай.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar