|
|
Бүген кемнәр туган
|
|
Архив
|
12.01.2011 Мәгариф
2011 елда мәгариф тармагына 500 миллиард сум биреләчәкРоссия җитәкчелеге белем бирү тармагына акчаны кызганмый. Бу аңлашыла да, илебез киләчәге, алга таба үсеше яшь буынның белем дәрәҗәсенә бәйле. Менә 2011 елны да мәгариф өлкәсенә 500 миллиард сум бүленеп биреләчәк. Бу быелгыдан 28 процентка артыграк. 2008 ел белән чагыштырганда исә әлеге сумма 2 тапкырга күбрәк. Киләсе елда югары һәм вуздансоңгы һөнәри белем бирүгә 15 процентка күбрәк акча тотарга җыеналар. Мәгариф өлкәсендәге гамәли фәнни тикшеренүләргә дә чыгымнарны ике тапкырга арттыру күздә тотыла. Студентларның – стипендиясе, ә укытучыларның хезмәт хакы үсешен тәэмин итү өчен дә өстәмә акчалар таләп ителәчәк.
2011-2013 елларда Россиянең алдынгы университетларына 30 миллиард сум бүлеп бирүне дә дәвам итү каралган. Бу акчалар, беренче чиратта, инновацион актив югары уку йортларына, шул исәптән Ломоносов исемендәге Мәскәү дәүләт университетына, Санкт-Петербург дәүләт университетына, федераль университетларга, илкүләм тикшеренү институтларына ярдәм итү йөзеннән бирелә.
|
Иң күп укылган
|