|
|
Бүген кемнәр туган
|
|
Архив
|
29.03.2022 Криминал
![]() Күршесенең йортын яндырганБашкортстанның Илеш районы Исәнбай авылында Ф.Яхин урамында торак йортта янгын чыга. Янгын нәтиҗәсендә торак кына түгел, ишегалды корылмаларының бер өлеше зыян күрә. Ут нәтиҗәсендә һәлак булучылар юк. Полиция хезмәткәрләре җинаятьне ачкан, нәтиҗәдә Исәнбай авылында яшәүче хатынның бөтен милке янып беткән, ә хатын үзе чак кына һәлак булмаган.
Урынга килгән полицейскийлар янгын ут төртүдән башланганлыгын ачыклый. Шикләнелүчене "кайнар эзләр" буенча тоткарлыйлар - ул күрше йортта яшеренгән. Ул әлеге авылда яшәүче, элегрәк берничә тапкыр хөкем ителгән булган, 46 яшьлек ир-ат булып чыга. Тоткарлаган вакытта ир үз гаебен таный.
Соңрак тикшерүчеләр ачыклавынча, ир күршесе белән әрләшә һәм аннан үч алырга була. Ул исерек хәлдә күршесенең сараена үтеп керә һәм саламга ут төртә, шуннан соң чыгып кача.
Хәзер аңа карата РФ Җинаять кодексының 167 матдәсенең 2 өлеше буенча «Аңлы рәвештә чит милекне юк итү яки зыян китерү " буенча җинаять эше кузгатылган. Конфликтның сәбәбе ачыклана.
--- |
Иң күп укылган
|