|
|
Бүген кемнәр туган
|
|
Архив
|
04.03.2022 Җәмгыять
Машинасы тулы акча булган, ә йөртүче үзе моны белмәгән дәАвстралиянең Яңа Көньяк Уэльс штатында полицейскийлар, зур йөк машинасы кузовында 4 миллион Австралия доллары (337,2 миллион сум) тапкач, йөртүчене кулга алганнар. 59 яшьлек Питер Джеймс Райт тартмаларда нәрсә булуын белмәдем дип ышандыра, әмма суд ир уяу һәм игътибарлы булырга, тикшермичә, шикле йөк ташымаска тиеш булган дигән карар чыгарган.
Ир Көнбатыш Австралиягә законлы рәвештә эшлим дип килгән һәм төзелеш өчен корылмалар ташыйм дип уйлаган. Йөкне барып алыр алдыннан ул Перт шәһәренә якын урнашкан бер отельдә туктый. Начальнигы аңа шалтырата һәм синең бурычың үзгәрде, бу эш өчен сиңа 7500 Австралия доллары (640, 2 мең сум) түләячәкләр дип хәбәр итә.
Иртә белән Райт отельдән чыга. Полиция аның артыннан күзәтүен ул белми. Райт Джеймс Харрисон исемле ир белән очраша (соңрак ул бу эштә чираттагы гаепләнүче була). Харрисон Райт машинасы кузовына ике зур пластик тартманы сала.
Арытаба Райт юлга чыга. Полиция хезмәткәрләре аның артыннан бара. Перт шәһәренә барып җитәргә бераз кала полицейскийлар водительне туктата. Алар контейнерлардагы йозакларны вата һәм 4 миллион доллар акчаларга тап була. Көнбатыш Австралиядә кайчан да булса тартып алынган суммаларның иң зурысы бу.
Райт контейнерларга акчалар тутырылганын белмәдем дип акланып карый, әмма судья фикеренчә, профессиональ йөртүче буларак, Райт контейнерларны тикшерергә тиеш булган.
Аны 3 ел һәм 10 айга ирегеннән мәхрүм иткәннәр. Харрисонны исә 5 елга утыртканнар.
Фото: пиксабай
--- |
Иң күп укылган
|