|
|
Бүген кемнәр туган
|
|
Архив
|
07.07.2008 Матбугат
«TATAR RADiOSI» ЯР ЧАЛЛЫ ҺӘМ ӘЛМӘТТӘ ДӘ ТОТАЧАК9 июль көнне Россиянең иң популяр милли радиостанцияләреннән берсе — «TATAR RADiOSI» тест рәвешендә Татарстанның Чаллы һәм Әлмәт кебек эре шәһәрләрендә дә сөйли башлаячак. Тапшыруларны Чаллыда — 91,6 FM, Әлмәттә — 97,7 FM ешлыгында тыңлап булачак. Радио сигналы «TATAR RADiOSI»ның Казандагы студиясеннән трансляцияләнәчәк.
Билгеле булганча, Әлмәттә «TATAR RADiOSI» тапшыруларын 2004 елдан бирле 105,2 FM ешлыгында тыңларга мөмкин иде. Әмма трансляция республика башкаласынннан булмаганга күрә тапшырулар тиешле күләмдә җиткерелмәде. Хәзер исә Кама аръягында яшәүче милләттәшләребез тәүлек буена татар эстрадасының өр-яңа җырларын һәм иң отышлы хитларын, төрле яшьтәге кешеләр өчен «TATAR RADiOSI»нда иҗат ителгән радиотапшыруларны тыңлый һәм аларда катнаша алачак.
«TATAR RADiOSI»ның тапшыру зонасын киңәйтү нәтиҗәсендә радионы тыңлаучылар саны ике ярым тапкырга артыр дип көтелә. Радионың географиясе Сарман, Азнакай, Лениногорск, Бөгелмә, Чирмешән, Яңа Чишмә, Зәй, Минзәлә, Тукай, Түбән Кама, Алабуга, Менделеевск, Әгерҗе районнары белән баетылачак.
Казан шәһәрендә исә «TATAR RADiOSI» 2001 елдан эшләп килә. Шул вакыттан ул башкаланың әйдәп баручы радиостанцияләре унлыгына керде. Кама аръягы халкы да радионы якын итәр дигән ныклы ышаныч бар.
--- |
Иң күп укылган
|