|
|
Бүген кемнәр туган
|
|
Архив
|
02.02.2022 Криминал
“Кызың аркасында авариягә эләккән...”Уфада яшәүче 75 яшьлек алданган хатын полициягә гариза язган. Хәл болай булган. Пенсионер ханымга билгесез кешеләр шалтыраткан да, кызы бәлагә таруын хәбәр иткәннәр. Имеш, аның кызы рөхсәт ителмәгән урында юл аша чыккан, бу вакытта юлдан баручы машина, хатынга бәрелмәскә була, баганага барып менгән. Водитель җитди җәрәхәтләнгән, аңа кыйммәтле операция таләп ителә. Һәм әнисе ярдәм итмәсә, кызына суд янаячак. Арытаба пенсионер ханым ялган адвокат белән аралашкан. Ул телефон аша аңа ничек җинаять эше кузгатмыйча гына хокук саклау органнарына мөрәҗәгать язарга икәнлеген аңлата башлаган. Акчаларны ярдәмчем килеп алачак дигән ул.
Күп тә үтми чыннан да таныш булмаган кеше акчалар килеп алган. Акчаларны тапшырган вакытта ялган адвокат хатын белән телефоннан сөйләшеп торган. Акчаларны тапшырып, ишекне япкач та, пенсионерка, кызына шалтыратып, барын да сорашмакчы булган. Кызы исә бул хәлләрдән шок кичергән. Һәм полициягә мошенниклык турында гариза язган.
Моңа охшаш хәлләр турында гәзитләр язып, телевидение күрсәтеп, күрше-күлән сөйләп торуына карамастан, алданучылар, кызганычка каршы, кимеми. Хәер, мошенниклар булганда алданучылары да һәрчак булачак.
Фото:Ксения Калинина.
Чыганак: bashinform.ru
--- |
Иң күп укылган
|