Рината Тэй: "Иремне ташлап китә алмыйм"

 

- 2019 елның 25 октябрендә Сагир юл һәлакәтенә эләкте. Ике айга якын комада булды. Комадан чыккач, ярты ел сөйләшмәде. Сөйләшү түгел, аваз да чыгара алмады. Март аенда гына "а" дия башлады. Хәзер дә сөйләме сакау, "р" хәрефен әйтми. Табиблар кызганмаска, таләпчән булырга куша. Мин шулай эшләргә тырышам да. Без яңадан яшәргә өйрәнәбез. Кайвакыт кычкырып елыйсым килә, әмма күздән яшь акмый. Әйтерсең, бөтен яшьләрем түгелеп беткән. Шулай да тамакта төер тора. Элек гел елый идем. Үзе янында еларга ярамагач, коридорга чыгып елый идем. Аны мондый хәлдә күрү бик авыр иде миңа. Бу хәлләр аркасында депрессиягә бирелдем, чәчем агарды. Хәзер шуны уйлыйм: һәр башкара торган җырым язмышыма охшаш икән бит. Чынлап та, бу тормыш бер каралы, бер аклы. “Язмышларым мине көчле итә, ялгышларым мине яшәтә” сүзләре кергән “Мин яшим” җырын Сагир аеруча яратты.

 

 

- Бәлки күз тигәндер. Яшермим, бер күрәзәчегә бардым. Бу хәлнең ни өчен безнең белән булганын беләсем килде. Чарасызлыктан күрәзәчегә барырга мәҗбүр булдым. Кызганыч, ул минем сорауларыма җавап таба алмады.

 

 

- Билгеле, бар андыйлар. Ләкин мин аны ташлап китә алмыйм. Беренчедән, ярату хисе әле дә бар. Уртак балабыз үсеп килә. Икенчедән, кызгану хисе бар. Өченчедән, мин аны ташласам, үзем дә яши алмаячакмын. Дүртенчедән, ул да миннән башка яши алмаячак. Мин аны аягына бастыру өчен көчемнән килгәннең барысын да эшләячәкмен.

 

 

- Никахны, туйны бөтенләй хәтерләми. Хәтере начар. Бүген иртән сөйләшкән сүзләрне төшкә оныта, кабат сорый. "Әйттем бит инде", - дигәч үпкәли. Үзенә дә кыен инде.

 

 

- Бу миңа бик авыр бирелде. Беренчесендә елый-елый видео төшердем. Аны социаль челтәргә куя алмыйча йөрдем. Халык алдында бик уңайсыз иде. Нәтиҗәдә ул видеоны иҗатташ дустым Гөлназ Асаева чыгарды. Беренче комментарийларны укырга курыктым. Негатив булмады түгел, йөрәккә тигән сүзләр күп булды. Ә икенче тапкыр акча җыйганда, тискәре фикер язучылар азрак иде. Шул акчага без 1,5 ай Мәскәүдә тернәкләндерү үзәгендә дәваландык. Барлыгы 1,5 миллион сум акча китте. Әле бу безнең илдә. Чит илдә дәвалану бөтенләй кыйммәт. Аннан соң хәйрия концерты оештырган идек. Анда 180 мең сум акча җыелды. Ярдәм кулы сузган артистларга зур рәхмәтемне белдерәм. Шуңа инандым: мине татар эстрадасында хөрмәт итәләр икән.

 

 

- Бернинди фаразлар да юк. Хәзер менә тазына операция кирәк. Казанда андый операциягә алынырга куркалар. Мәскәүгә барып карарга исәп. Сентябрь аенда Курган шәһәренә хат язган идем. Аларның җавабы гыйнвар аенда килде. Курган табиблары Сагирның терсәк буынын алыштырырга ризалык бирде. Операциянең бәясен төгәл әйтә алмыйм, әмма бик кыйммәт. Хәзер ТР Сәламәтлек саклау министрлыгына квота сорап мөрәҗәгать иттем, чөнки кабат халыктан акча җыярга теләмим.

 

 

- Сагир каршы як полосасына чыгып, фурага килеп бәрелгән. Нәтиҗәдә фурага ут капкан. Суд чыгарган карар буенча, Сагир зыян күрүчегә 2 миллион сум тирәсе акча түләргә тиеш. Без ул акчаны түләүдән баш тартмыйбыз. Әмма бүгенге көндә аны түләргә мөмкинлегебез юк. Алай гына да түгел, операциягә кайдан акча табарга икән дип баш ватам. Сагирның әти-әнисе пенсиядә. Үзем дә очып очка ялгап яшим. Сатыр әйберем дә юк. Без әле дә улым белән арендага алынган фатирда яшибез. Сагир Чаллыда әниләрендә яши. Аны карарга бертуган абыйсы ярдәм итә.

 

- Бик нык. Соңгы арада бигрәк тә сагына. Беркөнне әтисен төштә күргән. Имеш, гаиләбез белән машинада барабыз. Рульдә - Сагир, ләкин машинаның педальләре юк икән. Бу - инвалидлар өчен машина. Бала андый машиналар барлыгын белми дә. Мин бу төшне хәерлегә юрадым. Миндә сизү-тою хисе көчле. Бу кадәр тырышуым юкка түгелдер дип ышанам. Сагир максималь рәвештә тернәкләнер дип өметләнәм.

 

 

- Миңа бу хакта гел әйтәләр. Беләсеңме, тормышта зур авырлыклар булгач, ул хакта уйларга вакыт та, теләк тә юк. Кеше мине сулга йөри дип уйлыйдыр. Мин беркемгә дә берни дә исбатларга теләмим. Минем ирем бар һәм мин аңа тугры булачакмын. Сүз дә юк, кайвакыт аның җылысы җитми миңа. Ләкин бар да вакытлыча...