поиск новостей
  • 19.05 "Алтынч[ае]ч", 12+, Кариев театры, 18:30
  • 20.05 "Тапшырыл...ган хатлар", 12+, 18:30, Кариев театры
  • 26.05-27.05 Премьера! "Тимур һәм Комета",6+,13:00, Кариев театры
  • 31.05 "Озын-озак балачак", 12+, Кариев театры, 18:00
Бүген кемнәр туган
  • 19 Май
  • Мөнирә Булатова (1914-2011) - җырчы
  • Фирдәвес Кәбиров - автоузышчы
  • Нәҗип Думави (1883-1933) - язучы
  • Ринат Билалов - журналист
  • Хәлимә Искәндәрова - актриса
  • Денис Архипов - хоккейчы
  • Ике булмәле квартирада тору өчен иптәш эзлим, Авиатөзелеш районы) 89274287185 ватсап языгыз
  • Яшь гаилә яки хатын-кыз өчен Авиатөзелеш районында 12 кв.м.лы бүлмә сатам. Бүлмәдә ремонт ясалган, яхшы хәлдәге мебель һәм техника (холодильник, кер юу машинасы) бар. Бәясе 1600000 сум. тел.89093080784
  • Сыер сатып алам! Бер ике тапкыр бозаулаган, саудыра торган! 89393650117
  • Казанда бер булмале квартира снимать итам,2 егет тору очен .Метро якын булса яхшы булыр иде.Энергоинститут,Москоский район или Аметьева тираларе ярый: 89656083354
  • Дуслар! Соңгы кыңгырау көненә кызлар өчен көрән төстәге мәктәп формасы кирәк иде. 1 көнгә прокатка биреп торучы табылса, бик шат булыр идек. Күлмәге озынрак кирәк.Зинар, ярдәм итегез. Тел.: 89274173110
  • Торле порода Сарыклар , Саулыклар , Тэкэлэр , Бэкэйлэр , Буаз Сарыклар сатыла. Балтач . Тел . +79874245531 (ватсап)
  • 2 чилэк бэрэнге бар кемгэ кирэк?89372803818
  • КАЗАН ШЭХЭРЕНДЭ ГРУЗЧИК,ГАЗЕЛЬ ХЕЗМЭТЕ КУРСЭТЭБЕЗ! 89196271171
  • Хәләл 3 үрдәк түшкәсе сатыла, Казан, 8 927 40 592 02
  • Казан шәһәре Дементьев урамы 7а йортында ике бүлмәле квартирада 12кв.м.бүлмә сатыла. Бүлмә яхшы хәлдә, барлык җиһазлар белән. күрше бүлмәдә ялгыз хатын-кыз яши. Хәбәрләшү өчен телефон: 89093080784
Архив
 
21.01.2022 Җәмгыять

“Могҗизалар кыры”нда йөреп кайттым!

Беренче каналда «Могҗизалар кыры»н яратып караучылар күргәннәрдер, 10 декабрьдә эфирга чыккан тапшыруда өченче төркем уенчылар арасында Буадан Рауза апа Җәмалетдинова да бар иде. Без аңардан ул «кырга» ничек барып чыгуы, ниләр күреп кайтуы турында сораштык.

– Мин “Могҗизалар кыры”н яратып карыйм, анда бару турында озак еллар хыялландым, – дип сөйләде Рауза апа. – Быел сентябрьдә миңа 75 яшь тулды һәм юбилей елымда тапшыруда, һичшиксез, катнашырга тиешмен дип, үземә максат куйдым. Интернетка кереп, “Могҗизалар кыры” сайтын эзләп таптым да, сезнең тапшыруда бик тә катнашасым килә дип, хат яздым, заявка бирдем. Заявкагызны кабул иттек, көтегез диделәр. Бу 7 май иде. Шуннан ярты ел бер хәбәр булмады. Ә 20 ноябрьдә, чылтыратып: “Тапшыруда катнашырга телисезме?” – дип сорадылар. “Бик телим!” – дидем. Анкета тутырдым һәм юлга әзерләнә башладым. Әлеге шатлыклы хәбәрне ишеткәч, якыннарым, дусларым да күчтәнәчләр күтәреп килделәр: күршем Наталья Батманова, гаиләсе белән Казанда яшәүче кызым Лилия бүләкләр бирделәр. Буа шикәр заводы кондитеры Алсу Хәсәнова чәкчәк, Буа ягында “бармак” дип йөртелүче, бик эре чәкчәккә охшаган татлы ризык пешерде. Түбәтәй, конфетлар, Буа шикәр заводы шикәр комын, район хакимияте биргән бүләкне – якташыбыз Бакый Урманче турындагы китапны да алып, 24 ноябрьдә юлга кузгалдым. 26 ноябрьдә телевидениегә әңгәмәгә чакырдылар. Анда һәрберебез турында сораштылар, тапшыруда караңгы йөз белән тормагыз, елмаегыз, ачык күңел белән уйнагыз дип, киңәш-тәкъдимнәрен әйттеләр.
 
Икенче көнне тапшыруны төшерделәр. Мәскәүдә яшәүче кызым Луиза, киявем Рәфыйк һәм Чехов шәһәреннән махсус килгән иптәш хатыным белән бардык (кызым белән киявем килүчеләр исемлегендә бар иде, ә иптәш хатыным Вера өчен чакыру билеты сорап алдым). Арада иң өлкәне булгач, миннән: “Көне буе төшерәбез, арымассызмы?” – дип сорадылар. Юк, дидем. Күпме көткән хыялым тормышка ашты – мин анда әсәрләнеп, канатланып йөрдем!

– Леонид Якубович ниндирәк кеше соң?
 
– Ап-ак чәчле, калын ак мыеклы, ачык йөзле, һәр уенчыга игътибарлы, искиткеч мәхәббәтле ир – гашыйк булырлык хәтта! Ул һәрберебез белән сөйләште, хәлләребезне сорашты. Тапшыру барганда чәкчәк-бармакларны кондитер Алсу пешерүен әйтеп, Леонид Якубовичтан татарча: “Бик тәмле булды, Алсу!” – дип әйтүен сорадым. Ике тапкыр әйтте!
 
Гомумән, “Могҗизалар кыры” коллективы бик ошады миңа, барысы да ягымлылар, әйбәтләр. Уенчылар да илнең төрле почмакларыннан килгән, берсеннән-берсе кызыклы кешеләр иде. Төмәннән килгән, икенче төркемдә уйнаган Әлфәт исемле татар ире үз телебездә аралашырга бик тансыклаган иде ахрысы: һәрвакыт минем яндарак булып, татарча сөйләшергә тырышып йөрде.
 
– Мәскәүгә баргач, кайда яшәдегез?
 
– Уенчыларга “Останкино” яныннан өч кунакханә тәкъдим итәләр, теләгәнеңә урнашасың, тору бушлай. Мин кызым белән киявемдә яшәдем.
 
– “Могҗизалар кыры” музеен күрдегезме соң?
 
– Юк, теләгән кешеләрне алып бардылар, мин бармадым. Аны бик кечкенә, әйбер белән шыплап тулган, бик кысынкы диделәр. Тиздән иркен бинада яңа музей ачарга тиешләр, әлегә күпчелек бүләк-экспонатлар складларда саклана икән.
 
 
– Рауза апа, тапшыруда әйтүегезчә, сез озак еллар Ташкентта, металл кою заводында эшләгәнсез икән...
 
– Әйе, мин үзем Мәскәү өлкәсендә туып-үстем. Мин мәктәптә укыганда гаиләбез белән Буа шәһәренә күченеп кайттык. Биредә үзебезнең урам егетенә кияүгә чыктым. Бу вакытта бертуган апам Үзбәкстанда яши иде. Без дә апа янына киттек. 1968нче ел иде. Ташкент тау-металлургия техникумын тәмамладым. Шуннан чуен кою заводына эшкә кердем. Башта эшче, аннан мастер, аннан техник бюро начальнигы булдым. Тышта 40 градус эссе булса, цехта 50 градус була иде. Канализация торбалары, шуларны ялгарга детальләр, чуен казаннар койдык. Үзебезнең заводта коелган 22 литрлы казаным әле дә бар, аңарда җәйләрен урамда пылау пешерәбез. Шул авыр эштә 30 ел эшләп, 45 яшьтән пенсиягә чыктым.
 
Ирем белән ике кыз үстердек. Кечкенә кызыбыз мәктәп тәмамлагач, Татарстанга кайтып китте. Казан дәүләт университетына укырга керде. Кияүгә чыкты. Олы кызыбыз да Буага кайтып урнашты. Шуннан, балалардан башка монда нишлик инде дип,без дә ирем белән Буага кайтып киттек. Йорт сатып алдык. Кызганыч, ирем юк инде, 14 ел элек вафат булды...
 
Мин бик актив кеше, аралашырга яратам, “Могҗизалар кыры”нда катнашып, шулкадәр якты кешеләр белән танышып кайтуыма әле дә шатланып бетә алмыйм. Мин өченче төркемдә уйнадым. Безгә: “Элек Удмуртиядә шөпшә ничек аталган?” – дигән бирем булды. Миңа барабанда “Приз” чыкты. Таблодагы хәрефләрне әллә белә алам, әллә юк, ә приз истәлек булыр дип, призны алдым (шөпшәне Удмуртиядә элек “малемуха” дип атаганнар икән). “Яхшы приз чыкса иде, чөнки сез әйбәт кеше”, – диде Леонид Якубович. “Әле минем юбилей елым да быел!” – дип өстәдем. Искиткеч шәп бүләк чыкты – затлы йорт кинотеатры! Хәзер өемдә шуны карап рәхәтләнәм.
 
Рәсемдә: Роза Җамалетдинова (сулдан икенче), кияве, иптәш хатыны, кызы һәм Леонид Якубович белән.

Назилә САФИУЛЛИНА
Татарстан яшьләре
№ --- | 21.01.2022
Татарстан яшьләре печать

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Татаркино
Ханский дом
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar
Шәһри Чаллы