НУР АЛИЕВ: БЕРЕНЧЕ МАШИНА УЛ БЕРЕНЧЕ МӘХӘББӘТ КЕБЕК

Күптән түгел Нур куе кызыл төстәге “KIA Cee’d” алды. Яңа машинасы белән котлап, блиц-интервью эшләдек.

– Кайдан алдың?

– “Рәйхан” автосалоныннан.

– Күпмегә?

– 564 меңгә.

– Кредиткамы?

– Юк.

– Ни өчен хэтчбек?

– Универсал алмакчы идем, булмады.

– Комплектациясе, егәрлеге нинди?

– 2 литрлы, 143 ат көчле. Бай комплектацияле: 10 куркынычсызлык мендәре, USB-портлы музыка, дисклар, көзге җылыткычлар, тиредән эшләнгән салон һ.б.

– Беренче тәэсирләрең нинди?

– Көчле, иркен салонлы, уңайлы.

– Страховкаладыңмы?

– Әйе, тулы страховка.

– Кайда кундырасың?

– Түләүле стоянкада.

– Күпмегә?

– Айга 750 сум.

– Ник алай арзан?

– Танышлар аркылы.

– Моңарчы нинди машиналарда йөрдең?

– Француз тюнинглы кызыл “сигезле”дә, “ниагара” төсендәге “тугызлы”да, “Hyundai Accent”та.

– Кайсысы күбрәк истә калды?

– “Сигезле”. Чөнки беренче машина ул беренче мәхәббәт кебек.

– “Accent”ны кемгә саттың?

– Бер үк йортта яшәүче танышыма.

– Яңа машинаңның рәхәтен күр, Нур.

– Рәхмәт!