|
|
Бүген кемнәр туган
|
|
Архив
|
11.01.2022 Хәвеф-хәтәр
Бер исерек аркасында 7 машина харап булганКичә, 10 гыйнварда, Уфада яшәүче ир-егет берьюлы берничә юл-транспорт һәлакәтенә сәбәпче булган. Авариядән соң ул качкан. Соңрак ачыклануынча, ул исерек булган. Республиканың ЮХХДИ матбугат хезмәте хәбәр иткәнчә, авариядә "ВАЗ-2114" машинасы белән идарә иткән ир гаепле булган. Аны «Рено Аркана» һәм «Судзуки» машиналарын бәрдергәндә тоткарлыйлар. Машина бәрелүдән каршы як полосага чыгып оча һәм «Лада Ларгус» һәм «Лада Иксрей» машиналары белән бәрелешә. Бәхеткә, авариядә беркемнең дә сәламәтлегенә зыян килмәгән, тик машиналар изелгән.
Шул ук көнне шәһәр ишегалларының берсендә исерек шофер «Фольксваген поло» һәм «Хендай Солярис»ны бәрдергән булган. Бу вакыйга урыныннан да ир-егет качып киткән. Узган елның декабрендә ул исерек килеш руль артына утырган өчен административ җаваплылыкка тарттырылган булган инде.
Әлеге вакытта ир тоткарланган. Хәзер исерек хәлдә автомобиль белән кабат идарә иткән өчен аңа җинаять җаваплылыгы яный.
Фото: bash.news сайтыннан.
--- |
Иң күп укылган
|