|
|
Бүген кемнәр туган
|
|
Архив
|
08.01.2022 Җәмгыять
"Тәэсир" бәйгесендә 50 мең откан Камил Имамов "ШАЯН-ТВ"да уңыш серләрен чиште (ВИДЕО)Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән «Матбугат.ру» порталы оештырган "Тәэсир" бәйгесендә җиңгән Камил Имамов зур популярлык казанып бара. Бу конкурста беренче урын яулап, 50 мең сум откан укучы егет әле күптән түгел генә ТНВ каналында "Таяну ноктасы" һәм "Манзара" тапшырулары герое булса, хәзер инде аны ШАЯН-ТВга дәшкәннәр. Бу тапшыруда Әлмәттә яшәүче сәләтле героебыз бәйгедә җиңү хисләре, үзенең мавыгулары һәм анимация төшерү серләре турында сөйләде. Видеоны сезгә дә тәкъдим итәбез. Камилнең уңышларына бергәләп сөеник. Дуслар! Мондый бәхет сезгә дә елмаерга мөмкин! Бәйгедә катнашырга теләүчеләрнең ай саен күп булуын күреп, оештыручылар конкурсны ким дигәндә тагын 3 айга озынайтырга карар кылды. Шулай итеп, 2022 елның гыйнвар, февраль һәм март айларында да "Тәэсир" дәвам итәчәк. Видеороликлар һәр айның 20сенә кадәр кабул ителә. Инде бүгеннән үк сылтамаларны bayge.tatar@mail.ru адресына юллый аласыз. Бөтен шартлар Bayge.tatar сайтында. 12+ |
Иң күп укылган
|