|
|
Бүген кемнәр туган
|
|
Архив
|
02.12.2021 Җәмгыять
Депутатларны күпләр сатлыкҗаннар дип атый
Соңгы айларда илдә бик күп әйберләрнең, хезмәтләрнең бәясе кискен күтәрелә башлады. Күпмегәдер арткан (арткан очракта, әлбәттә) хезмәт хакларын, пенсияләрне хәзер инфляция йотып бетереп бара. Экспертлар әйтүенчә, бүген илдәге 40 миллионлап пенсионерның чынбарлыктагы керемнәре соңгы биш елда коточкыч дәрәҗәдә кимегән. Һәм бу хәл инде сигез ай дәвамында бара ди алар. Росстат белдергәнчә, Русиядә ел башыннан бирле пенсияләр уртача 829 сумга арткан. Ләкин зур тизлектәге инфляцияне исәпкә алганда (рәсми рәвештә, ел башыннан бирле 7,4 процент санала), чынлыкта пенсия 1,2 процентка кимегән булып чыга (дөрес, монда президент фәрманы белән сентябрь аенда пенсионерларга бирелгән 10 мең сум акча исәпкә алынмый). Пенсияләрнең 2016 елдан бирле, ягъни нефть бәяләре кискен төшкәннән бирле шундый тизлектә кимегәне булмаган. Русия Пенсия фонды планлаштырганча, 2022 елда уртача пенсия 5 процентка (819 сум) артып, 17115 сум тәшкил итәчәк. Әмма 8 процентлы инфляцияне исәпкә алганда, чынлыкта өлкәннәрнең акчасы артмаячак, ә 3 процентка кимиячәк. Заманында пенсия реформасын тәкъдим иткәндә, ил җитәкчелеге пенсионерларга тормыш дәрәҗәгез күпкә яхшырачак дигән иде. Ләкин бу вәгъдә-фаразлар чынга ашмады. Шушы реформа аркасында пенсиягә 3-5 елга соңрак чыгарга мәҗбүр ителгән пенсия яшенә җитеп килүче кешеләрнең күпчелеге үзләрен хөкүмәт тарафыннан таланган дип хис итәләр. Илдә пенсиягә чыгу яшен 5 елга арттыру өчен тавыш биргән депутатларны күпләр әле һаман да сатлыкҗаннар дип атый
--- |
Иң күп укылган
|