поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
28.11.2010 Сәясәт

Тумыштан ук зәгыйфь иде

Хөрмәтле Дмитрий Анатольевич! Сезнең интернет-блогта “Демократиябез камил түгел, без моны яхшы аңлыйбыз. Ләкин без алга таба хәрәкәт итәбез” дигән мөрәҗәгатегез белән таныштым әле. Ул миңа бик кызыклы булып тоелды. Гомумән алганда, сезнең күпчелек чыгышларыгызны мин “әйе! әйе!” яки “шулай шул!” яки “чыннан да, дөрес!” дип карыйм, тыңлыйм, укыйм, тәэсирләнәм, илһамланам. Мин гомумән матур әдәбиятны укырга, нәфис фильмнар карарга яратам.

Ләкин яшәргә дә кирәк бит әле. Ә без яши торган чынбарлык, Президент әфәнде, шактый кырыс ул. Видеомөрәҗәгатегездә, без партияләр өчен фәлән-фәлән эшлибез, сәяси көндәшлек өчен шартлар тудырырга тырышабыз, дип сөйләдегез. Гафу итегез, нинди сәяси партияләр турында сүз бара? Минем уйлавымча, сәяси партия ул – бер фикергә ия булучыларның, үзләренең теләк-омтылышларын чынбарлыкка ашыру максатыннан, хакимияткә омтылган кешеләр төркеме.

Коммунистларны алыйк. КПРФны Совет заманының атавизмы дип тә атарга була, әмма аның үзгә идеологиясе бар һәм ул әле азмы-күпме сәяси партия критерийларына туры килә.

Ә сез телгә алган “Бердәм Россия”нең идеологиясе нинди? Әле күптән түгел генә “Путинны яклаучылар” партиясе, ниһаять, “консерватив модернизация” төшенчәсен тудырды, әмма аның нәрсә икәнен аңлатып бирү һәркемнең дә көченнән килми. Ни өчен идеология белән шундый проблема кичерә соң алар? Чөнки “Бердәм Россия” баштан ук ниндидер бер сәяси фикер нигезендә тупланмаган. “Хакимият партиясен” алсак, аны ике тигез булмаган төркемгә бүләргә мөмкин. Беренчесе, сан өчен ихтыяри-мәҗбүри рәвештә партбилет тоттырылган бюджет өлкәсендә эшләүчеләр. (Менә сиңа безнең илдә генә була торган парадокс: хөкүмәттән иң аз акча алып эшләгән, иң күп нужа күреп яшәгән кешеләр, тиеннәрен югалтудан һәм җитәкчеләре үченнән куркып, хакимиятне яклап, партиягә керә). Ә икенче өлеше – эреле-ваклы түрәләр, җитәкчеләр, чиновниклар, главалар һ.б. Аларның күпчелеге партиягә кергәнче үк хакимияттә торган. “БР”гә керүләренең сәбәбе исә хакимиятне кулдан ычкындырмау яки карьера баскычы буенча тагын да югарырак үрмәләү иде. Сезнең партиядә булмаган главаны күргәнегез бармы? Минем – юк.

“Бердәм Россия”гә керүчеләрнең өченче дулкыны – әле хакимиятне һәм байлыкны төшләрендә генә күреп саташып, хакимият белән дус булырга теләүчеләр. АКШта кемнеңдер, Барак Обама – демократ, дип демократлар партиясенә керүенең нәти­җәсе юк, чөнки демократлар белән республикачылар анда бер-берсен алыштырып идарә итеп торалар. Ә бездә “Бердәм Россия”гә керүчеләр аның КПСС кебек гел хакимияттә булачагын шик астына алмый да. Бернинди сәяси идеология кирәкми аларга. Чын сәяси партия өчен хакимият билгеле бер максатка ирешү коралы булса, “Бердәм Россия”челәр өчен хакимият – үзе үк максат булып тора. Шуңа күрә, Дмитрий Анатольевич, “хакимият партиясенең беркайда да һәм беркайчан да оттыру мөмкинлеге булмаса, ул катып кала һәм хәрәкәтсез калган теләсә нинди тере организм кебек үк, ахыр чиктә, деградация кичерә”, – дигәндә, Сез сәбәп белән нәтиҗәне бутыйсыз, дип тоела миңа. Бала бит тумыштан ук зәгыйфь иде.

Безнең парламентта утырган башка партияләргә килгәндә, аларның да хакимият партиясеннән әллә ни аермасы юк, минемчә. Мин аларны “рәнҗетелгәннәр” дип атыйм. Аларның да җитәкчеләре ниндидер үрләргә ирешкән, әмма төрле сәбәпләр аркасында хакимияттәгеләр аларны үз итмәгән, кире каккан. Шул ук вакытта билгеле бер дәрәҗәгә үскән кешегә “наезд” булган очракта, нинди дә булса “поддержка” барыбер кирәк бит. Күпләр шуны эзләп керә дә инде төрле партияләргә.

Ә аларны оппозиция дип тә булмый, чөнки, үзегез дә беләсез, партияләр үзләренең төп эшләреннән – хакимият белән кискен каршылыкка керүдән курка. Чөнки каршылыкка кергәч, нәрсә буласы күз алдында. Кемнеңдер күз алдында – Басман суды, икенче берәүләрнең – Мамадышның Дегетле авылы. Шуңа күрә сезнең “Оппозициянең гадел көрәштә җиңәргә бер кечкенә генә дә мөмкинлеге булмаса, ул деградацияләнә һәм маргинальгә әверелә” дигән икенче җөмләгезне дә мин икенче төрле әйтер идем: “Гадел көрәштә җиңә алмаячагын белгәнгә күрә, бездә бары башсызлар һәм маргиналлар гына ачыктан-ачык оппозициягә керә ала”. Хәер, сәяси системабызның үзенчәлекләрен мин сөйләмәсәм дә, сез яхшы беләсез. Сез бит – Президент. Барысы да – Сезнең кулда... түгелме? 


Илдар МИРГАЛИМОВ
Ватаным Татарстан
№ 239 | 26.11.2010
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»