|
|
Бүген кемнәр туган
|
|
Архив
|
09.11.2021 Криминал
Шәфкать туташы 3 пациентны үтергәнЯпониянең Иокогама шәһәре суды, 34 яшьлек элекке шәфкать туташы Аюми Кубокины гомерлеккә рәшәткә артына утырту турындагы хөкем карары чыгарган. Суд медицина хезмәткәрен өлкән яшьтәге өч хатынны алдан уйлап үтерүдә гаепле дип тапкан.
Прокуратура Кубокины үлем җәзасына тарттыруны таләп иткән, әмма присяжныйлар коллегиясе бу җәзаны кире каккан. Гаепләнүчене яклау ягы Кубокины гомерлеккә ирегеннән мәхрүм итү җитә, дип белдергән, чөнки элекке шәфкать туташы суд процессы вакытында ук психологик яктан арыклану халәте кичергән.
Үтерүчене үлем җәзасына тарттырмауның сәбәпләренең берсе – тикшерү вакытында Кубокида аутистик спектрдагы авыру ачыклану. Тикшерү версиясе буенча, шәфкать туташы җинаятьләрен кылган вакытта авырудан интеккән. Кубоки кылган җинаятьләренә үкенгән һәм, гаебен танып, үзе өчен үтерү җәзасын сораган.
2016 елда Иокогама шәһәренең Огути дәваханәсендә эшләгән Кубоки олы яшьтәге өч пациент ханымнарга капельница куяр өчен эремәгә дехинфекция ясый торган сыекча куша. Кубоки әзерләгән капельницаларны икенче шәфкать туташы пенсионеркаларга куйгач, 78 һәм 88 яшьтәге ике ханым үләләр. Өченче корбанын Кубоки үзаллы үтерә.
Фото:rbc.ru
Чыганак: Lenta.ru
Автор:Әлфия Шакирҗанов
--- |
Иң күп укылган
|