|
|
Бүген кемнәр туган
|
|
Архив
|
28.10.2021 Җәмгыять
Муниципаль хакимият халыкка җир рәсмиләштерергә ярдәм итәчәкТатарстан муниципаль хакимияте гражданнарга гараж һәм гараж урнашкан җирне милек итеп рәсмиләштерергә ярдәм итәчәк. ТР Дәүләт Советының 26 нчы утыршында шундый закон проекты кабул ителде. Документны Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев тәкъдим итте. Аның сүзләренчә, Федераль законның 18 нче маддәсенең 3 нче часте буенча, җирле үзидарә органнары гаражга хокуклары Бердәм күчемсез милек реестрында теркәлмәгән кешеләрне табарга хокуклы. «Алар халыкка гаражларга һәм шул җир биләмәләренә хокукларын теркәүдә булыша ала. Бу капиталь булмаган корылмаларга — фундаментсыз гаражларга гына кагыла», — дип искәртте.
«Бу гаражларга документлар исемлеге билгеле. Кеше үзе чабып йөрмәячәк, ә мәсьәләне тиешле орган хәл итәчәк. Ә капиталь корылмалар „гараж амнистиясе“ турында законга кагылышлы», — дип әйтте депутат. Муниципаль хакимият вәкилләре архивларда хокукны раслаучы документлар эзләшә ала һәм рәсмиләштерү тәртибен аңлатачак, дип яза Татар-информ.
Закон проект нигезендә, Җир кодексына да үзгәрешләр кертелә. Министрлар Кабинеты җирле үзидарә органнарының гаражларны урнаштыру һәм яшәү урыннары янында инвалидлар өчен тукталыш схемаларын раслау тәртибен билгеләячәк.
Шулай ук, Министрлар Кабинеты Татарстан милкендәге җирләрдән куллану өчен түләү билгеләү тәртибен раслаячак. Нәтиҗәдә, ул җирләрдә гражданнар капиталь корылма саналмаган гаражлар төзеп куя ала.
Фото: пиксабай
--- |
Иң күп укылган
|