|
|
Бүген кемнәр туган
|
|
Архив
|
20.10.2021 Җәмгыять
Капчык авызларын Георгий тасмалары белән бәйләгәннәрГорно-Алтайск шәһәрендә билгесез затлар чүп тулы капчыкларны Георгий тасмалары белән бәйләгән һәм чүплеккә чыгарып ташлаган. Бу капчыкларны шәһәрдә яшәүче Галина Кулнева төшереп алган һәм үзенең Инстаграмында бастырып чыгарган. Аның сүзләренчә, русиялеләр үз намусын һәм горулыкларын үзләре юкка чыгара. “Дуслар, безгә сугышлар һәм экспансия кирәкми”, – дип тә өсти автор. Галина сүзләренчә, бу капчыклар “Релакс” урнашкан бинадагы ремонт нәтиҗәсендә чыгарылган. Комментарийлар арасында бер кулланучы фотосурәтләрнең Подгорный совхозының элекке бинасы кырында төшерелгән, дип язган. Шәһәрлеләр капчык авызларын георгий тасмалары белән бәйләгән эшчеләрне тәнкыйтьләгән. Алар тасмаларны оешма хуҗасына җибәрергә тәкъдим иткәннәр.
Тикшерү комитетының Алтай Республикасы буенча идарәсенең матбугат хезмәтендә сөйләүләренчә, Җиңү символын мыскыллау факты буенча тикшерү алды эше башланган.
Русия законнарына ярашлы, хәрби дан символларын мыскыллау өчен җинаять җаваплылыгына тарттыралар. Законны бозучылар 3 миллион сумга кадәр штраф түләргә мөмкиннәр. Аларга шулай ук төзәтү яисә мҗбүри эшләр билгеләргә мөмкиннәр.
Фото:@kulnevagalina
Чыганак: lenta.ru
--- |
Иң күп укылган
|