Яшьти Илүзә Баһавиева

Ул: Баһавиева Илүзә

Туган ягы: Арча районы, Ташкичү авылы

Уку: Ташкичү урта мәктәбендә белем ала

Туган коне: 29 сентябрь

Ниләр яза: Шигырьләр

Катнашкан бәйгеләре: Проза өлкәсендә ирешкән уңышлары өчен Г.Ахунов исемендәге премия лауреаты, төрле иҗади конкурсларда, шул исәптән, “Алтын каләм”, “Иделем Акчарлагы”нда катнаша.

Яшь каләмчеләрдән кемнәрне яратып укый: Р.Мөхәмәтшин, Р.Әхмадиев, Э.Һадиева, Р.Сәлах иҗатын

Туган ягым кышы

Туган ягым кышы нинди гүзәл!

Әйтерсең лә сихри манзара.

Акрын гына уйнак җил исә дә

Әйлән-бәйлән уйнап кар ява.

Шул карларның гүя тылсым көче

Җитәр кебек барлык җиһанга.

Сокланам мин шул тылсымчы карлар

Өеп куйган биек тауларга,

Ә салкында барлык агачлар да

Киеп куйган ап-ак туннарга.

Һәркөн шулай йөримендер кебек,

Искиткеч бер әкият илендә.

Туган яктан ерак китсәм дә мин

Гел ул гына булыр телемдә.

* * *

Хыялымның керсез дөньясында

Сине күрәм, бәгърем, көн дә мин.

Ераклардан  йөгереп киләсең дә

Җылы кочагыңа аласың...

Ә аннан соң нидер сөйли-сөйли,

Йөгерә-атлый  алга чабасың.

Ә мин калам, синнән ерагаям,

Минем килми анда барасым.

Мондый кебек татлы мизгелләрне

Килә озаг(ы)рак саклап каласым.

Хыялымда гына булса да,

Килә сине күреп каласым.

Кул изәмә бәгърем, өзгәләнмә,

Минем килми, килми

Анда барасым! Килә бары

Синең белән  бергә

Хыялымда гына каласым.

Җимермәгез бала язмышын!

Сабый бала елап аваз сала

Бу дөньяга имин килдем,-дип.

Фәрештәләр аңа канат җәя

Сау-сәламәт булып тусын,-дип.

Эх, белмисең шул әле берниләр дә,

Ата-анаң кемнәр булганын.

Безгә авыру бала кирәкми,-дип,

Алар ашыгып куллар куйганын.

Наркоман бит алар үзләре дә,

Томан төшкән нурсыз йөзләренә:

Ни йөзегез белән карарсыз сез,

Шул гөнаһсыз сабый күзләренә?

Чынга ашмаган хыял

Төн. Караңгы. Күктә бары

Яна безнең якты йолдызлар.

Сине беренче кат күргәндә дә

Балкый иде сүнмәс бу утлар.

Икәү бергә йөргән чакларда да

Гел сүз бирә килдең син миңа:

Йолдызларның берсен булса да мин

Бүләк итәчәкмен бер сиңа.

Мин ышандым. Әйе, ышандым

Сине андыйдыр дип белмәдем

Бу хисләрең мин бит чынлыкта да

Дөрес булуларын теләдем...

Йөрәк кемнәрне күзләр?

Күзләремә, никтер, син карагач,

Кемнәрнедер эзлисең күк тоела.

Тик моң тулы серле карашыңнан

Иксез-чиксез яшьләр коела...

Юк, эзләмә беркемне дә

Барыбер табалмассың.

Серләр тулган күзләремдә

Син берни күралмассың.

Беләм, җаным, син күптәннән инде

Башка кызны читтән күзлисең.

Бергә йолдыз санаганда да бит-

Аның исемен телгә алмый түзмисең...

Сау бул! Мин яратмыйм сине!

Һәркемгә дә таныш бу сүзләр.

Тик бер капкынга эләккән ялгыз

йөрәк кемнәрне күзләр?!