|
|
Бүген кемнәр туган
|
|
Архив
|
06.10.2021 Медицина
Балалар коронавирусны җиңел кичерә дигәнгә ышанмагызCovid-19 өлкәннәрне дә, яшьләрне дә аямый. Өченче һәм дүртенче дулкында балалар каһәрле вирус йогынтысына дучар булды. Әгәр без былтыр коронавирус инфекциясе белән балалар аз чирли дип күзәтсәк, быел бу күрсәткеч шактый артты. 2020 елның 31 дкабрендә туганнан алып 17 яшькәчә балаларда пандемия башыннан алып 1590 вирус йоктыру очрагы күзәтелсә, бүгенгә (1 гыйнвардан алып 5 октябрьгәчә) аларның саны 6100гә җитте. Пандемия башыннан алып барлыгы 7680 бала коронавирус йоктырган.
Быел июльдән алып яңа туган (0-1 ай) сабыйларда да коронавирус инекциясе ачыклану очраклары ешайды. Хәлләрнең мөшкел булуы башкаланың 17 санлы балалар хастаханәсе нигезендә нәни пациентлар өчен инфекцион госпиталь җәелдерелде.
Моңарчы коронавирус инфекциясе ачыкланган балалар Республиканың инфекцион хастаханәсе бүлегендә дәваланды.
17 хастаханә нигезендәге инфекцион госпитальдә 39 бала дәваланган, шуларның 24 терелеп чыккан.
–Бүлектә яңа туган сабыйларга Русия Сәламәтлек саклау министрлыгының яңа коронавирус инфекциясен профилактикалау, диагностикалау һәм дәвалау буенча вакытлыча киңәшләренә ярашлы махсуслаштырылган медицина күрсәтелә, – ди дәваханәнең баш табибы Нурсилә Әпсәләмова.
– Территория “пычрак” һәм “чиста” зоналарга бүленгән. “Кызыл” зонада эш саклану комбинезонында, башлыкта, респираторда, махсус күзлекләрдә, бахилаларда һәм медицина перчаткаларында алып барыла. Инфекцион бүлектә 11 видеокамера урнаштырылган, – дип хәбәр итә баш табиб. – Балаларның хәл-торышлары турында ата-аналар белән әңгәмәләр Zoom платформасындагы видеоэлемтә аша башкарыла. Бу безгә дә, балалары өчен җан атып торган ата-аналар өчен дә бик уңайлы.
Әлфия ШАКИРҖАНОВА |
Иң күп укылган
|