Продюсер Илгиз Әбдракипов: «Беренче чиратта, артистның кешелеклеге минем өчен бик мөһим»

 

- Аллага шөкер! Улым Кәримгә 10 яшь. Әнисенең юклыгын аңлый инде. Кызым Камиләгә 5 яшь. Тумыштан инвалид, гел урын өстендә, ятып кына тора. Ул бит 900 грамм булып, башына кан савып туды. Әти-әнием булмаса, нишләр идем икән?.. Аларга гомерем буе рәхмәтле булачакмын. Аеруча әни гел Камилә янында. Кыз балага әни кеше бик кирәк. Камилә авыррак сөйләшә, әмма безне аңлый. Дәвалану курслары алабыз. Махсус Казанга да, Мәскәүгә дә килеп дәваландык. Камилә берничә чир белән авырый. Нигездә, алар неврология белән бәйле. Әмма барысын да сөйлисем килми. Аңларсыз дип уйлыйм. Әлеге теманы кире кузгатасым килми. Бу хакта сүз алып бару җиңел түгел...

 

 

- Нык тәэсир итте дияргә кирәк. Бигрәк тә артистларга. Күп кенә артистлар төрле челтәрләргә кереп, продукция сата башлады. Аларны да аңларга була. Аларның да гаиләсе, балалары бар. Ә продюсерлык эшенә килгәндә, аны мин 20 елдан артык алып барам. Күңел өчен башкарыла торган эш ул. Шулай да төп эшем – төзелеш. Төзү эшләреннән бераз арынып, татар концертлары оештырам. Иң элек артистлар составын сайлыйм. Кайсы җырчы белән уңайлы, шулар белән эшлим. Алдамыйча әйтә алам: алар – ихтирам казанган артистлар. Исемнәрен әйтеп тормыйм. Әлбәттә, беренче чиратта, артистның кешелеклеге минем өчен бик мөһим. Аннан соң аерым бер артист белән килешү төзеп эшләмим. Ягъни артистны үстерер өчен, бөтен дөньяга таныту өчен вакыт кирәк бит. Бу эшкә вакытым калмый, чөнки, әйткәнемчә, төп эшем барыбер төзелеш өлкәсендә.

 

 

 

- Юк.

 

 

- Бәйрәмнәрдә дус җырчыларым белән җыелышабыз. Алар җырласын (елмая). Ә безгә шундый талантлы дусларыбыз барлыгына шатланып, кул чабасы гына кала. Барлык аралашкан, хезмәттәшлек иткән артистларыма иҗат эшчәнлегендә уңышлар телим. Артист өчен зур уңыш ул – тамашачы мәхәббәте.

 

 

- Әлбәттә. Ничектер мин Чаллыда Әлфинә Әзһәмова концертына эләктем. Ул вакытта аның “Төнге урам” җыры хит иде. Уйлый торгач, Әлфинә Әзһәмованың концертын Уфада оештырып карарга булдым. Аннары Казандагы продюсерлык үзәгенең проектларын Башкортстан буенча эшләдем. Быел танылган композитор, җырчы Наил Шәймардановның юбилей концертларын Уфада һәм Башкортстан шәһәрләрендә оештырдык. Планда Казанда һәм Чаллыда концертларын уздырырга уйлыйбыз. Аның җырларын бик күп артистлар башкара һәм һәркайсысы хит диярлек.

 

 

- Җырчы, үзенең иҗат юлын башлаганда, - бер шәхес, ә үскәч, дәрәҗәсе күтәрелгәч, ул бөтенләй үзгәрә. Бөтен артистлар да йолдыз чире белән авырый дип әйтмим. Әмма сәхнәдә билгеле бер шундый артистлар бар. Артист булып киткәндә нинди иде һәм хәзер дә шундый гади, кешелекле булып калганнары да бар. Менә шундый артистлар белән эшләве дә, аралашуы да рәхәт.

 

 

- Бернәрсә дә әйтә алмыйм. Бу инде аларның икесе арасындагы мөнәсәбәт. Фикеремне әйтергә хокукым юк дип саныйм.

 

 

- Әйе, планда, беренче чиратта, Вәсиләне искә алу концертлары тора. Бер төркем артистлар инициативасы белән башкарып чыгарырга ниятлим. Җырчылар Вәсиләнең җырларын башкарырга теләк белдерде. Репертуарындагы җырларын сайлап алдылар. Уфада һәм Башкортстанның башка шәһәрләрендә узачак концертлар инде сөйләшенгән. Әмма пандемия сәбәпле, күп концертлар булмый калды. Тамашачы ирекле рәвештә йөри алмый. Билгеле бер чикләүләр бар. Тамашачыны зал 100 % ка тулырлык итеп утыртырга ярамый.

 

Аннан соң “Туган як” брендлы бүләк җыелмасы эшлибез. Анда Вәсилә Фәттахованың барлык җырлары кергән флешка һәм бүләкләр урын алачак. Башкорт балы, чәе дә булачак. Әлеге бүләк җыелмасын ирекле сатуга чыгарачакбыз. Болар барысы да партнерлар ярдәмендә эшләнәчәк. Бәлки ул җыелмага Вәсилә Фәттаховага багышлап чыккан китап, аның сүрәте төшкән сувенир да урын алыр. Әлегә барысын да ачып саласым килмим. Бүләк җыелмасының презентациясе көзге концертларга планлаштырыла.

 

 

 

- Юк. Бик авыр хезмәт ул. Бу эшкә ниятләгән очракта да, музейны туган ягында ачарга кирәк.

 

 

- Әлбәттә, барлык артистлар кебек җырның сүзләренә дә, көенә дә, аннан соң инде ясалачак аранжировкасына да игътибар итә иде. Үлеменә 3-4 ай кала, җырлар сайлап йөрде. “Мин китәм, син каласың” кебегрәк эчтәлекле җыр сайлаган иде. Беркайчан да хатыныма каршы барганым булмаса да, андый эчтәлектәге җыр башкаруын теләмәдем. Әмма ул җырны җырлап өлгермәде...

 

Тагын бер нәрсә искә төште. Вәсилә башкаруындагы “Яшә көлеп” җырының тарихын сөйлисем килә. Сүзләрен дә, көен дә Зифа Нагаева иҗат итте. Ул җырны беренче ишетү дә үк ошаткан идем. Ялгышмасам, “Яшә көлеп” җырын Зифа апаның концертында ишеттем дә кебек. Аңа шалтыратып, ул җырны сатып алырга теләгәнемне әйттем. “Мин каршы да булмас идем, әмма җырны башка җырчыга бирдем”, - диде Зифа апа. Хәзер инде ул җырчының исемен төгәл хәтерләмим. Җырны беренче мәртәбә ишеткәч, Вәсиләнең башкаруын теләдем. “Әйдәгез, ул җырчы егет белән сөйләшеп карыйм. Бәлки, бирер безгә”, - дидем. Зифа апа үзе дә сөйләшергә теләк белдерде. Ул егеткә бардым, сөйләштем. Каршы килмәде. “Син дә җырла, әмма бу җырны барлык хокуклары белән сатып алам”, - дип без уртак фикергә килдек. Хатыныма кайтып, Зифа апаның яңа җырын бирүен, “Вәсилә җырласын”, дип әйтүен җиткердем. Вәсилә нык шатланган иде ул чакта. Аранжировкасын ясатып, аны тамашычыга чыгардык. Аннары клип төшерү мәсьәләсе килеп басты. Ул вакытта Казандагы продюсерлык үзәге белән хезмәттәшлек итә идек. Әле дә хәтерлим клипны Казанда төшердек.

 

 

- Бергә 9 елга якын яшәп калдык. Ярты ел очрашып йөргәч, гаилә корып җибәрдек. Вәсилә ачык, юмарт күңелле, тәртипле, гаилә җанлы, чын хатын-кыз иде. Бөтен кешегә карата шундый иде. Ачу сакламады. Аның ачуын чыгарырга бик авыр иде. Әмма тиз үпкәләтергә мөмкиннәр иде. Чит шәһәрләрдәге банкет, концертларга чыгып китәр алдыннан, минем белән сөйләшә иде. Миннән башка чыгып китәсе килми иде аның. “Үзем генә бармыйм. Барсам да, бергә барыйк”, - дип әйтә иде. Минем бит үз эшем дә бар. Шулай да бергә барырга җай таба идем. Аннары Кәримне дә калдырып китми идек. Гел безнең белән булды. Иҗат безнең өчен беренче урында иде. Үзем дә аның иҗаты алга баруын теләдем. Бергә булган әлеге бәхетле мизгелләрне искә алып сөйләргә генә калды...

 

 

- Әлбәттә! Вәсиләне, аны яратуымны онытып булмый. Ул мәңге!”