поиск новостей
  • 18.06-27.08 Театральләштерелгән фольклор шоу. Туган авыл. 18:00
  • 14.07 Ришат Төхвәтуллин. Пермь, Барда авылы. 20:00
  • 14.07 «Древо жизни» мәдәни-агарту проекты, «Черек күл» паркы, 18:00.
  • 25.08 "Матур CITY", 12+,18:30,Кариев театры
  • 26.08 "Супер кияү", 12+,18:30,Кариев театры
  • 27.08 "Мәхәббәт күгәрченнәре",12+,18:00,Кариев театры
  • 28.08 "Корт",12+,18:00,Кариев театры
  • 29.08 "Ак чәчәкләр кебек...",12+,18:30,Кариев театры
  • 25.09 Сезон ачылышы. Уникс. 17:00
  • 29.09-02.10 Гүзәл Уразова. 20 ел сәхнәдә. Уникс. 18:00
  • 23.10 Григорий Лепс. Татнефть Арена. 18:00
  • 09.12-18.12 Илсөя бәдретдинова. Уникс. 18:00
Бүген кемнәр туган
  • 06 Июль
  • Венера Якупова - журналист
  • Галия Хәбибрахманова - журналист
  • Марат Моратов - дәүләт эшлеклесе
  • Гөлчәчәк Хафизова - актриса
  • Луиза Закирова - журналист
  • Рәис Галиев - актер
  • Казан шәһәре Авиатөзелеш районыны Яшьләр урамында 1 бүлмәле квартира озак вакытка арендага бирелә. Студентлар өчен кулай вариант. Тулырак белешмәләр өчен 89674635452 номеры буенча шалтыратыгыз
  • Ищу соседа на подселение) Авиастроительный район тецевская 4 д, Двухкомнатная квартира, цена 20000 всё включено, остальные вопросы ватсап 89274287185
  • Бер бүлмәле фатирны арендага бирәбез. Ул. Халева дом 15, 1 этаж, тел. 89518954298
  • Исэнмесез, квартира снимать итэм озак вакытка Казанда Ершова урамында. РУК-ка якынырак булса эйбэт булыр иде. Кыйбатлы тугел. Яза алсагыз, пожалуйста языгыз ватсапка бу номерга: 89083383788. Рэхмэт.
  • Казанда центрда 18 кв м булмэ сатыла. Срочно. Бэясе килешу буенча Тел 89083429378
  • Бер бүлмәле квартира озак вакытка арендага бирелэ. (Гудованцева урамы 29 автобус конечный тукталышында).Бәясе 12000+ком.Бар уңайлыклар да бар.Телефон 89274126362
  • КАЗАН ШЭХЭРЕНДЭ ГРУЗЧИК,ГАЗЕЛЬ ХЕЗМЭТЕ КУРСЭТЭБЕЗ. 89196271171
  • 2 булмэле фатирнын бер булмэсенэ иптэшкэ тэртипле татар кызы кертэм. Д.К.Химиков каршында.8 9272469637
  • Казанда бер булмале квартира, яки студия снимать итэм,но подешевле. Метро якын булса яхшы булыр иде.Новосавиновский, Москоский район, Вахитовский тирэлэре ярый. Риелторлар борчымагыз. Ватсап 89061242981
  • Сатып алам,кирэк булган тачка строительный 89506660021 Казань хэм якын тирэ районнар
Архив
 
26.08.2021 Язмыш

"Биш яшькә кече ирем бик көнләшә башлады..."

Үземне белә башланганда мин сары чәчле, яшел күзле, битен сипкел баскан кызчык идем. Төпчек бала булганга шактый шук та идем. Өч яшемдә үзлегемнән укырга өйрәндем. Татарча пьеса иде ул, исемен инде хәтерләмим. Алты яшемдә мин үземнең матур түгеллегемне аңладым. Җиңги аңлатты: “Үзеңә кара да, күрше кызларына күз төшер, алар нинди сөйкемлеләр”, – диде ул.

Чыннан да, көзгегә ешрак карый башладым. Үземне җен кебек күрә идем. Җиңгинең кызы, ягъни минем туганнан туганым да “пәри” дип артымнан кычкырып кала. Шуның өчен үзенә миннән йодрык та эләгә. Гомумән, мин үземнең ямьсезлегемне усаллык белән капларга тырыштым. Дорфа сөйләштем. Төпчек бала булгач өйдә гафу иттеләр, “акыл керер әле” диделәр. Иртә укырга өйрәнгәч, китапхандәге бөтен балалар китапларын укып бетердем. Ә җиденче класста инде зурлар өчен язылган әсәрләр кызыксындыра башлады. Бигрәк тә француз авторлары. Үземнең бөтен теләгем матур булу. “Их, чибәр булсаң иде”, – дип хыялландым.

Мәктәпне тәмамлагач, медицина училищесына кердем. Шул ук вакытта косметолог курсларына да язылдым. Имеш, үземне тәртипкә китерәчәкмен. Ходайдан бәхет сорамадым, гел матурлык сорадым. Әле бер егет белән дә очрашканым юк. Озата кайтканнарын да, дорфа сөйләшеп, үземнән биздерәм.

Бервакыт шәһәр паркында уйланып утырганда яныма бер егет килеп утырды. Альберт дип таныштырды ул үзен. Сөйләшеп киттек. Мине үзгәртеп куйдылар мени! Ягымлы арашалам. “Син чибәрсең”, – диде яңа танышым. Минем бит әле мондый сүзләрне беркемнән дә ишеткәнем юк. Эреп киткәндәй булдым. Бер дустының туган көне икән, шунда чакырды Альберт. Гипнозлагандай риза булдым. Шунда беренче тапкыр шампанское татып карадым. Аннан Альберт иреннәремә үрелде. Бу минем тәүге үбешүем иде. Ошатмадым мин ул хисләрне: аракы исе аңкып торган авыз, авырттырып кочаклаган куллар. Җирәнгән кыяфәт чыгарып, егетне этеп җибәрдем. Бу аңа ошамады, бигеле. Яңагыма нык кына китереп сукты да, идәнгә ырытып, өстемә менеп ятты... Хайвани теләкләрен канәгатьләндергәч, паспортын ачып күрсәтте: “Менә кара, мин өйләнгән”, – диде. Үземне җүләрләнгәндәй хис иттем. Әйтерсең лә мин ниндидер китап укыйм. Аннан Альберт бу хәлләрне авылга кайтып (мин аңа кайдан икәнемне әйткән идем) сөйләячәген белгертте. Әмма әгәр дә акча бирсәм дәшми калу мөмкинлеге барын да әйтте. Колагымдагы затлы алкаларны, әнием унсигез яшемә бүләк иткән кыйммәтле йөзегемне аңа ыргыттым да, төнге урамга ыргылдым. Бер ел буе куркып яшәдем. Каяндыр гел Альберт килеп чыгар, яисә авылда: “Син фахишә икәнсең бит”, – дип әйтерләр төсле тоелды. Шуңа күрә әти-әни янына да сирәк кайттым.
 
Кияүгә утыз яшь тулгач чыктым. Ирем үземнән нәкъ биш яшькә кече иде. Бер елдан улым туды. Ана бәхетенең никадәрле гүзәл хис икәнен бөтен тулылыгы белән аңладым, бала имезүнең ләззәтен татыдым. Үзем дә үзгәрдем: битем тулыланып китте, сипкелләр әллә кая юкка чыкты, күзләремнең яшеллеге җетеләнде. Әйләнеп карарлык гүзәл хатынга әйләндем.
 
Ирем генә бик көнләшә башлады. Аңа саф кыз булып кияүгә чыкмавымны кичермәде ул минем. Баштагы мәлләрдә сүз белән артык рәнҗетмәсә, соңга таба әллә ниләр әйтеп, йөрәктә төзәлмәс яралар ясады. Бигрәк тә: “Каһәр төшсен!” – дигән сүзләреннән тәнем куырылып килә иде: “Әйтмә инде, җаным, алай дип. Әйдә, аерылышыйк, әмма сүз белән азаплама”, – дия идем. Арылышырга теше-тырнагы белән каршы булды.
 
Мин пенсиягә чыккан елны улымны җирләдек. Игелекле, тормышны яратучы бердәнбер балам иде. Яман чир белән бер ай гына авырып ятты да, мәңгелеккә күзләрен йомды. Аны җирләгән көнне иремә: “Менә каһәр төште”, – дидем. Тутырып карады да, идәнгә ауды. Инсульт диделәр. Бик озак дәваладылар. Хәзер йөрми, сөйләшми, әйткән сүзне дә авырлык белән генә аңлый.
 
Көзгедәге мөлаем ханымга карыйм да: “Нигә бәхет сорамадың?” – дим.
 
ВЕНЕРА. Казан

---
Татарстан яшьләре
№ --- | 26.08.2021
Татарстан яшьләре печать

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Татаркино
Ханский дом
Татарстан Диния нәзарәте
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»
Piter.tatar