|
|
Бүген кемнәр туган
|
|
Архив
|
14.08.2021 Җәмгыять
Бу эчемлек тизрәк йоклап китәргә булышаАКШта яшәүче табиб-диетолог Ходди Кламер төнге йокыны яхшыртучы эчемлекне атады. Аның киңәшләрен Eat This, Not That! бастырган. Белгеч сүзләренчә, даими рәвештә чия суты эчсәң, йокы сыйфаты яхшыра икән. “Йокы алдыннан эчкән бу сут тизрәк йокыга талырга булышачак. Моның сәбәбе – чия составында мелатонин гормоны булуы. Мелатонин йокы һәм уяулык вакытын җайларга булыша”, – дип аңлата Кламер.
Диетолог сөйләвенчә, бер эксперимент барышында тикшеренү үтүчеләр атна дәвамында чия суты эчкән, ә икенче төркем эчмәгән. Нәтиҗәдә 7 көннән соң беренче төркемдәгеләрнең йокы сыйфаты күпкә яхшырган.
Кламер шуны да өстәгән, йокларга ятар алдыннан чия суты эчкән кайбер кешеләрнең төнлә бәдрәфкә тору ихтыяҗы барлыкка килергә мөмкин. Бу очракта белгеч рационга чиянең җимешләрен кертергә тәкъдим итә. Мелатониннан тыш бер чынаяк чия көндезге калий нормасының 7% тәшкил итә. Бу да үз чиратында изрәп һәм дөньяны онытып йоклауда ярдәм итә.
Әлфия ШАКИРҖАНОВА |
Иң күп укылган
|