|
|
Бүген кемнәр туган
|
|
Архив
|
13.08.2021 Җәмгыять
3 көнгә киткән дә ел ярым кайта алмаган2020 елның мартында Бөекбританиянең Кросби шәһәрендә яшәүче 27 яшьлек Зои Стивенс ял итәргә Тонга утравына барган 1 ел ярым дәвамында аннан кайта алмый яткан. Зоиның сәяхәте коронавирус пандемиясе таралу сәбәпле кертелгән чикләүләр вакытына туры килгән һәм ул Бөекбританиягә кайта алмаган. “Мин утрауларда бикләнеп калдым, аннары Бөекбританиядә пандемия белән бәйле чикләүләрне әле керттеләр, әле үзгәрттеләр, шуңа мин биредә калырга уйладым”, – дип сөйли Стивенс. 18 ай эчендә Тонгада яшәгән дәвердә циклон аркасында Зоиның әйберләре юк булган, ул эшен югалткан һәм дистанцион рәвештә магистр дәрәҗәсе алган. Ул гына түгел, яшь кыз утрауда яшәүчеләр өчен сәламәт яшәү рәвеше һәм физик күнекмәләрнең әһәмияте турында мәгълүмат арттыру буенча хәйрия марафоны оештырган, аннары Тонгадагы җәнлекләргә ярдәм итү өчен акчалар җыюны башлап җибәргән.
“Тонга – планетада иң симез кешеләр яшәүче корольлек. Күпләр (40% ка якын) 2 типтагы шикәр диабетыннан интегә. Җитмәсә, илдә бер генә югары квалификацияле ветеринар да юк. Шуңа мин бу проблемаларны берләштерергә уйладым”, – дип аңлата Стивенс үзенең башлангычларын.
Әлфия ШАКИРҖАНОВА |
Иң күп укылган
|