|
|
Бүген кемнәр туган
|
|
Архив
|
06.08.2021 Криминал
Әтисе 3 яшьлек малаен 5 каттан атып бәргәнМәскәүнең көньяк-көнбатышында ир кеше үзенең 3 яшьлек малаен 5 кат тәрәзәсеннән атып бәргән. Нәтиҗәдә малайның үпкәләренә зыян килгән, аңарда баш сөяге-мие җәрәхәте, баш мие имгәнүе, баш миенә кан саву, күкрәк читлегенең ябык җәрәхәте һәм пневматоракс теркәлгән. Шулкадәр биеклектән очып төшсә дә, ул әле аңында булган, янына йөгереп килгән кешеләр белән сөйләшкән. Ул бертуктаусыз: “Бөтен җирем авырта”, – дип сөйләнгән.
Юньсез ата 24 яшьлек Леонид Кудрявцев булып чыккан. Күп тә үтми аны йорт подъезды тирәсендә тоткарлаганнар. Хокук саклау органнары хезмәткәрләре аңардан сорау алачак. Кудрявцевка кылыгының сәбәпләрен аңлатырга туры киләчәк.
Life Shot Telegram-канал мәгълүматлары буенча, җинаятьче малаем үзен начар хис итте, аның бөтен тәне сызлады дип сөйләгән. Шул чакта ата кеше улына ярдәм итү нияте белән аны тәрәзәдән ташларга уйлаган.
Ә менә “Новости Москвы” Telegram-каналы ата кеше вакыйга алдыннан шул фатирда әбисе белән бик каты талашкан, ди. Ягъни, ул, тещасына булган ачуын балаында чыгарган.
Бу кадәр җәрәхәтләрдән соң сабый яши алырмы? Башкалар кебек үк сәламәт булырмы ул? Ходай биреп, терелеп китсә дә, аның инде бу көннән алып әтисе юк дисәң дә була. Шулай итеп, исән әтисе булып та, планетада тагы бер ятимгә артты... Ә андый ятимнәр ил һәм дөнья буйлап күпме?!
Фото:Moslenta.ru
Чыганак: Moslenta.ru
--- |
Иң күп укылган
|