Алия Карачурина Ришат Төхвәтуллин белән мөнәсәбәтләре турында сөйләде

 

– Аллага шөкер, барысы да яхшы. Әллә ни зур яңалыкларым юк. Җәем яңа сезонга әзерләнеп үтә. Яңа матур җырлар яздырабыз. Шуңа да күбрәк Казанда мин. Быел Сабан туйларында да шактый чыгыш ясарга туры килде. Кыскасы, тик тормадык.

 

 

– Яңа сезонга ниятләрем башка төрлерәк. Әлегә үз концертым белән гастрольләргә чыгарга җыенмыйм. «Минем концерт куясым, гастрольләргә чыгасым килә», – дип кенә эшләнә торган эш түгел шул ул. Үз концертыңны тиешле дәрәҗәдә кую өчен бик зур тырышлык кирәк. Мин моңа бик җитди карыйм. Быел да яңа сезонны Ришатның (җырчы Ришат Төхвәтуллин. – Ред.) төркеме белән башлармын дип торам.

 

 

– Мин кечкенәдән үземне зур сәхнәдә күз алдына китереп үстем. Ләкин үсә торгач, фикерләр дә, максатлар да, хыяллар да үзгәрә икән. Бүгенге иң зур хыялым – үз гаиләмне кору. Киләчәктә ни булыр, әмма сәхнәне бөтенләй ташлыйсым килми. Гаилә тормышын сәхнә белән бәйли алсам, мин, әлбәттә, бик бәхетле булыр идем.

 

Ришат белән гастрольләрдә йөргәндә дә һәм, гомумән, үземне һич кенә дә «икенче план җырчысы» итеп тоймыйм. Тамашачылар аның концертларын миннән башка күз алдына китерә алмый башлады, ел саен көтеп алалар. Шушы концертлар миңа үз тамашачымны, тыңлаучымны табарга ярдәм итте. Моның өчен Ришатка бик рәхмәтле мин.

 

 

– Мин – тормышта да тыныч, тыйнак кеше. Мактануым түгел, әлбәттә, дусларым да моны раслар. Ләкин без барыбыз да – кешеләр, төрле чагыбыз була. Мин тиз кызам һәм тиз суынам. Бик якын кешеләр авыр сүз әйтсә, бик нык ачуланам. Бер начар сыйфатым бу. Ләкин миңа онытыр өчен күп вакыт кирәкми.

 

 

 

– Әйткәнемчә, кеше тормышында тәрбия бәһасез роль уйный. Бу үз-үзеңне тотышта да, киенү рәвешендә дә, аралашуда да чагылыш таба. Кеше алган тәрбия дә, ул үзе дә, эчке дөньясы да үзенчәлекле бит. Ә зәвык эчке дөньяның бай булуына бәйле дип уйлыйм мин.

 

 

– Һәр җырчының үз тыңлаучысы бар. Бу элек тә шулай булган, хәзер дә. Замана әнә ничек тиз үзгәрә бит. Җырчылар нишли? Әлбәттә, халыкка мондый җыр ошый икән, дип, кеше фикеренә иярә дә шундый җырлар иҗат итә. Минемчә, бу – нормаль күренеш. Заманасы үзгәреп торгач, җырлары да үзгәрә инде.

 

– Сөйләрлек сәбәп гел бар инде ул, көн дә диярлек бирәләр бу сорауны. Ләкин мин шәхси тормышымны беркайчан «Инстаграм» аша күрсәткәнем булмады. Шәхси тормыш – шәхси инде ул, нинди генә сораулар бирсәләр дә, җавабым шул. Кеше үзе тели икән – сөйли, теләмәсә – юк. Мин менә сөйләмим һәм әлегә теләгем дә юк. Ришат белән булсынмы ул, башка  кеше беләнме…

 

 

– Әлбәттә, сораулар күп һәм даими булгач, ияләнеп беттем инде. Кемдер безнең мөнәсәбәтләр, киләчәгебез өчен борчылып яза, «төшкә керә башладыгыз» диючләр дә бар. Кемдер көнләшеп, миңа ачу белән яза. Ни генә дисәләр дә, ямьсез сүзләр белән җавап кайтарганым булмады. Матур итеп, җайлап кына җавап биргәч, гафу үтенүчеләр дә була.

 

 

– … әкият!

 

 

– Татар эстрадасын алсак, Фәридә Кудашева, Әлфия Авзалова, Гүзәл Уразова. Чит ил җырчыларыннан – Beyonce, Rihanna. Рус эстрадасы җырчылары арасыннан соңгы арада Полина Гагаринаның иҗаты ошый.

 

 

– Бүген Джон Стрелекиның «Возвращение в кафе» китабы һәрвакыт кул астымда. Соңгы арада әлеге авторны укыйм. Айгөл Әхмәтгалиеваның «Ак читек» китабы да бик истә калган.

 

– … җырчы.

 

 

– Иң бәхетле хатын, иң бәхетле әни һәм иң бәхетле җырчы итеп күрәм.

 

– Үз концертым.

 

Әңгәмәдәш – Лилия Гыймазова