|
|
Бүген кемнәр туган
|
|
Архив
|
01.11.2010 Мәгариф
Әниләр көненә багышланган акция!“Яңа Гасыр” радиосы һәм “Татарстан - Яңа Гасыр” телевидениесенең “Хәерле иртә!” тапшыруы Әниләр көненә махсус акциядә катнашырга чакыра! Әниләргә атап бик күп шигырь-җырлар, поэмалар язылган, романнар багышланган.
ТР Дәүләт Советы депутаты Фәрит Мифтахов белән берлектә уздырыла торган бу чарада быел без, Укытучы елы икәнен исәпкә алып, мәртәбәле һөнәр ияләре булган әниләр - мөгаллимә әниләр турында сөйләрбез.
Күпләр укытучыларын әниләре белән янәшә куя. Бу аңлашыла да: әни кеше баласына тормыш сабагы бирсә, мөгаллимә дөньяви белемнәрне өйрәтергә тырыша.
Кадерле дуслар! Сезнең тормыш юлында укытучының роле нинди? Сез үрнәк алган, сез идеал дип санаган, сезгә маяк булып торган укытучыгыз гаиләдә нинди әни? Безгә язып җибәрегез. Бәлки, үз әниегез мөгаллимәдер? Язмышын балаларга белем бирүгә багышлаган газиз әниегез хакында әйтер сүзләрегезне хат юлларына салып тиз арада безгә юллагыз! Иң эчтәлекле хат ияләре истәлекле бүләкләр алыр. Ә иң уңышлы хатлар Әниләр көнендә “Яңа Гасыр” радиосы дулыкннарында яңгырар, “Татарстан дулкынында” газетасында басылыр”.
Безнең адрес: 420015 Казан шәһәре, М.Горький ур., 15 яисә 420095 Казан шәһәре, Ш.Усманов ур., 9 адресы буенча хатлар көтәбез. Конверт тышына “Укытучы әниләр” дип язырга онытмагыз!
|
Иң күп укылган
|