поиск новостей
  • 19.03 "Ләйлә вә Мәҗнүн" Кариев театры, 18:30
  • 19.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 20.03 "Ут чәчәге" Кариев театры, 13:00
  • 20.03 ПРЕМЬЕРА "Флешка, рэп һәм мәхәббәт" Тинчурин театры, 18:30
  • 21.03 "Анна Ахматова:Вакыт кайтавазы" Кариев театры, 13:00
  • 21.03 "Эх, алмагачлары!" Тинчурин театры, 18:30
  • 22.03 "Корт" Кариев театры, 18:30
  • 22.03 "Ай, былбылым!" Тинчурин театры, 18:30
  • 23.03 "Йосыф" Кариев театры, 18:00
  • 23.03 "Бәхетле көнем" Кариев театры, 13:00
  • 23.03 "Яратам! Бетте-китте!" Тинчурин театры, 17:00
  • 24.03 "Әлифба:Хәрефләр дөньясында" Кариев театры, 13:00
  • 24.03 "Мәдинә" Тинчурин театры, 17:00
  • 26.03 "Мио, минем Мио!" Кариев театры, 18:30
  • 26.03 "Җилкәнсезләр" Тинчурин театры 12:00 һәм 18:30
  • 27.03 "Гөлчәчәк" Кариев театры, 19:00
  • 27.03 "Идегәй" Тинчурин театры, 18:30
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
Бүген кемнәр туган
  • 19 Март
  • Татьяна Водопьянова - дәүләт эшлеклесе
  • Камил Гайнуллин - актер
  • Ренат Вәлиуллин - дәүләт эшлеклесе
  • Илшат Вәлиулла - язучы
  • Гөлнур Корбанова - шагыйрә
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
  • Ассаляму алейкум! Казанда, центрга якынрак булган гостинка яисэ булмэ снимать итергэ телим. Риелторсыз. 89872312932 (ватсап)
  • Кому требуется шпаклевка, обои, по городу Казани также Арск обращаться по тел +7 (917) 266-37-64.
  • Яр Чаллыда 2-бүлмәле фатир сатыла:Яңа шәһәр, 30 комплекс. Мәйданы 52 кв.м. Планировкасы әйбәт - распашонка. Җылы, яхшы хәлдә. Хуҗасы сата. Телефон:8-9631571216
  • Хәерле көн! "Салават Купере 2" торак комплексында бөтен унайлыклары булган 2 бүлмәле квартира арендага бирелә. 3 этажда. Өр-яңа ремонт, мебель. "Бәхетле" артында урнашкан. Тәртипле татар гаиләсе эзлибез. Йорт хайваннарсыз. Төп шарт: тәртип, чисталык, вакытында түләү. Риелторларсыз. Элемтәләр өчен телефон: 89534975861
  • Студентлар өчен өстәмә эш. 8-917-880-94-77
Архив
 
22.07.2021 Шоу-бизнес

"Каберендә ап-ак чәчәкләр, уенчыклар. Атна саен янына барам"

“ТНВ” каналында “Вызов 112” тапшыруын алып барган Эльвира Фазлыева эстрадада да актив иҗат итә башлаган иде. Әмма илһамланып хезмәт иткәндә, тормышында коточкыч фаҗига булып, барысы да тукталды...

— Гаиләм, балам бар, телевидениедә яраткан эшем, эстрада — барысы да җайлы бара. Мин бәхетле. Тагын ни кирәк?! — дип тормышыма сокланып әйтә идем. Әллә үз-үземә күз тидердемме, нәрсә булды — белмим. Бер минутта барысы да чәлпәрәмә килде, — ди Эльвира. — Балам яшәешемнең бөтен ямен үзе белән алып китте. Хәзер элеккечә була алмаячакмын инде. Күңелдә бушлык. Бөтен хыялым — кызым белән очрашу көтеп йөрим.
 
— Эльвира, “Кайтарасы килә яныма” дип исемләнгән клибың дөнья күрде. Үз тормышыңнан алып язылган, берәүне дә битараф калдырмады. Клип ничек әзерләнде?
— Кызым якты дөньядан киткәч, бер ел “кома”да яшәгәндәй булдым. Ирем Александр: “Аидага багышлап җыр яздырыйкмы әллә? Истәлек булыр”, — дип әйтә иде. Ул хакта озак уйладым. Бераз тынычлана төшкәч, бу эшкә керештем. Аидага дога булып барыр дип уйладык. “Кайтарасы килә яныма” җырын Айдар Тимербаев һәм Айдар Минһаҗев иҗат итте. Җырлый алмам, елармын дип уйладым. Әмма нишләптер алай ук авыр булмады. Әллә балам булышты, белмим... Клипта гаилә видеоязмаларын, фотоларны кулландык.
 
— Төшеңә керәме?
— Баштарак гел керде. Кочаклашып уйнап йөри идек. Хәзер йокларга ятканда гел сорыйм: “Аида, кил”, — дим. Әлегә килми, рухы шат булып, күңеле тыныч ятадыр. Каберендә ап-ак чәчәкләр, уенчыклар. Атна саен янына барам.
 
— Авыр булса да, фаҗига турында сөйләшик әле.
— Узган елның 15 апреле. Мин эшкә киттем. Бала әтисе һәм абыйсы (Александрның беренче никахтан туган улы — Л.Й.) белән калды. Бик җилле көн иде. Агач ботагы сынып, уйнап йөргән балам өстенә төшкән. Нәкъ шул көнне кызымны кочакларга өлгермәдем. Ашыктым. Югыйсә көн саен кочаклап-үбеп китә идем. Баланы хастаханәгә озатканнар. Әмма саклап кала алмадылар. Аңа 4,5 яшь иде.
 
— Үзеңне ничек кулга алдың?
— Бик каты стресс булды, үз эчемә бикләндем. Эштән озак вакытка административ ял алып, берничә айга туган ягыма — Әлмәт районы Түбән Мактама авылына әти-әни янына кайтып тордым. Анда да авыр булды. Аида белән еш кайта идек. Бөтен нәрсә аны хәтерләтә. Беренче вакытларда, котылыр идем дә, кызым янына китәр идем, дип хыялландым. Ятсам да, уянсам да, балам кырыемда яткан сыман. Кулыма зур итеп Аида дип яздырдым, машинада янәшәмдә аның иң яраткан курчагын йөртәм, бүлмәсендәге уенчыклары да шул килеш тора. Алай миңа җайлырак. Янымда кебек хис итәм.
 
Бик күптөрле антидепрессантлар эчтем. Һәр айның 15 нче көнендә мәчеткә барам, дога укытам, үземне өшкертәм, шунда бераз тынычлык табам. Баланың елын уздырдык. Әкрен генә аякка басам инде. Тормышны дәвам итәргә кирәк бит. Әмма бу йөрәк ярасы гомер буена барачак.
 

Лилия ЙОСЫПОВА
Ирек мәйданы
№ --- | 22.07.2021
Ирек мәйданы печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»