|
|
Бүген кемнәр туган
|
|
Архив
|
20.07.2021 Дин
"Самое беспроигрышное вложение": Гарәфә кичендә Авиатөзелеш районында яңа "Рәхмәтулла" мәчете ачылды (ФОТО)
Кичә Гарәфә кичендә Казанның Авиатөзелеш районында "Рәхмәтулла" мәчете ачылды. Рамазан аенда соңгы ифтарны журналистлар шушында кылган иде. Ул чакта "Матбугат.ру" каләм әһелләрен җыярга булышты. Шул ифтарда мәчетнең имам-хатыйбы Рөстәм хәзрәт Ясәвиев һәм төзелешнең җитәкчесе Ильяс хәзрәт Гыймадов рәсми ачылуны Корбан гаетенә өлгертергә ниятләре турында сөйләгәннәр иде. Аллаһның рәхмәте белән эшләре уң булды. Кичә Гарәфә кичендә мәчет рәсми рәвештә ачылды. Бәйрәмдә рәсми сүзләр, котлаулар, вәгазьләр белән беррәттән балалар өчен уеннар һәм бәйгеләр дә булды.
Шушында чишмә дә ачтылар. Якын-тирәдә яшәүчеләр - татармы, урысмы, мөселманмы, христианмы - шушыннан су ала алачак.
Мәчеттә Ахшам намазы укыганнан соң кунаклар ифтар ашына узды. Гарәфә көнендә күп кенә мөселманнар уразада иде.
Сүз уңаеннан, мәчеттә эшлисе эшләр әле шактый. Кайбер поставщикларга әҗәтләре дә бар икән. Мәчет каршында балалар өчен мәйданчык булдырырга да ниятлиләр. Шуңа күрә, әлеге эшләрдә сез дә ярдәм итә аласыз. Мәчет ачылышында бер дин әһеле әйтмешли, бу "самое беспроигрышное вложение".
--- |
Иң күп укылган
|