|
|
Бүген кемнәр туган
|
|
Архив
|
28.10.2010 Җәмгыять
Рөстәм Миңнеханов: “Без Универсиаданы метроның ун станциясе белән каршыларга тиеш”Рөстәм Миңнеханов һәм Илсур Метшин Казан метрополитенының икенче чираты объектлары – “Мәскәү” һәм “Завод” станцияләрендә булды Татарстан Президенты Рөстәм Миңнеханов һәм Казан мэры Илсур Метшин Казан метрополитенының икенче чираты объектлары – “Мәскәү” һәм “Завод” станцияләрендә булды. Биредә “Айсылу” һәм “Алтынчәч” комплекслары тоннель казырга кереште.
“Мәскәү” станциясендә үткәрелгән тантаналы митингта “Казметрострой” муниципаль унитар предприятиесе башлыгы Марат Рәхимов билгеләп үткәнчә, тарихта беренче тапкыр берьюлы ике комплекс бер үк вакытта тоннель казый башлады. “Айсылу” комплексы “Завод” станциясеннән башлап берничә метр ара үтте инде, хәзер биредә “Алтынчәч” комплексы эшкә тотына. Ул “Декабристлар” станциясенә кадәр тоннель казыячак.
“Финанс кыенлыкларына да карамастан, метро төзелә. Ул үзен аклый һәм башкаладагы төп транспортның берсенә әверелә. Метрода 1,7 миллион пассажирга хезмәт күрсәтелгән инде. Бу - өстенлекле проект. Без Универсиаданы метроның ун станциясе белән каршыларга тиеш”, - диде Рөстәм Миңнеханов.
Татарстан Президенты метро төзүчеләргә рәхмәт белдерде һәм аларны истәлекле вакыйга - “Айсылу” һәм “Алтынчәч” комплексларының тоннель казырга керешүе белән котлады.
Тантаналы митингтан соң Рөстәм Миңнеханов символик шампан шәрабын “Алтынчәч” комплексына бәреп ватты һәм куәтле машина “Декабристлар” станциясенә кадәр уңъяк тоннельдә җир казырга кереште. Аның алдында 1350 метр юл үтү бурычы тора.
Үз чиратында, “Айсылу” комплексы “Завод” станциясеннән “Мәскәү” станциясенә кадәр сул як тоннельдә җир казыячак, әлеге ике станциянең арасы 1320 метр тәшкил итә. Комплекслар тоннель казу эшләрен чама белән 2011 елның маенда төгәлләр дип көтелә.
Сергей СЕМЕРКИН |
Иң күп укылган
|