|
|
Бүген кемнәр туган
|
|
Архив
|
01.07.2021 Криминал
Кукмарада исерек военком җәяүле хатын-кызны бәрдерүдә шикләнелә29 июньдә, сәгать 17.10да Кукмараның Эшчеләр Тыкрыгы урамы, 12 «А» йорт янында юл-транспорт һәлакәте була. Бу хакта Кукмара районының Юл хәрәкәте иминлеге дәүләт инспекциясенә сылтама белән район газетасы хәбәр итә. «Шәһәрнең Чернышевский урамыннан Ленин урамы ягына таба “TOYOTA COROLLA” автомобилендә хәрәкәт итүче 1975 елгы ир кеше юл йөрү кагыйдәсен боза, хәрәкәт иминлеген тәэмин итүче тизлекне сакламый, идарә контролен югалта һәм транспорт чараларына каршы яктагы тротуардан баручы бер хатын-кызны бәрдерә. Әлеге шоферның исерткеч эчемлекләр дә кулланган булуы ачыкланды», - дип шәрехләгән әлеге хәлне җирле басмага Кукмара районының Юл хәрәкәте иминлеге дәүләт инспекциясе начальнигы Фирдүс Фәхретдинов.
Зыян күргән 55 яшьлек ханымны төрле тән җәрәхәтләре белән ашыгыч ярдәм күрсәтү машинасында дәваханәгә алып китәләр.
Кайбер расланмаган чыганаклар буенча, авариядә гаепле зат Кукмара районы хәрби комиссары Равил Гафиев. Аның аек булмавын Эчке эшләр министрлыгының Кукмара районы бүлеге җитәкчесе Рамил Нургалиев раслаган.
фото: Кукмара районының Юл хәрәкәте иминлеге дәүләт инспекциясе
--- |
Иң күп укылган
|