|
|
Бүген кемнәр туган
|
|
Архив
|
01.07.2021 Дин
Дин буенча өй янына ылыслы агач утыртырга ярыймы?Чыршы, нарат белән бәйле нинди генә ышанулар юк. Өй янына чыршы утыртсаң, гаиләдә бала булмый, диләр. Ишегалдында ылыслы агач үсә икән, бу йорттагы кыз кияүгә чыга алмыйча, ялгыз калачак. Чыршы ир-атны якын китерми, имеш. Ылыслы агачлар чынлап та куркыныч тудырамы? Бу хакта Татарстанның баш казые Җәлил хәзрәт ФАЗЛЫЕВтан сораштык.
— Ылыслы агач утырту дин ягыннан тыелмый. Бу хорафат, ышану гына. Дингә бер катышы юк. Элек ылыслы агачны, янгын куркынычы бар дип, ишегалдына утыртмаганнар. Йортлар салам түбәле булгач, тиз янып китә торган ылыслы агачлар куркыныч дип саналган. Ә яфраклы агачлар өйне саклый дип әйтәләр иде.
— Руслар табутны нараттан ясаганга да ылыслы агач рөхсәт ителми дигәне белән килешәсезме?
— Табутны бөтен агачтан да ясыйлар. Нараттан гына түгел. Бу халык арасында таралган ышану гына. Барысы да Аллаһы Тәгалә кулында. Хорафатларга ышану гөнаһ.
Эльвира МОЗАФФАРОВА |
Иң күп укылган
|