|
|
Бүген кемнәр туган
|
|
Архив
|
28.05.2021 Дин
Борынгы Коръәнне сатарга ярыймы?"Борынгы Коръән сатам, дигән игълан күрдем. Изге китапны сатарга рөхсәт ителәме?" - дип сорый Казаннан Айзилә. “Гаилә” мәчете имам-хатыйбы Рөстәм хәзрәт ХӘЙРУЛЛИН:
— Коръән — Аллаһ безгә иңдергән иң изге китап. Коръәнне сату дигән сүз чынлап та колакны ярып керә. Коръәннең төп нөсхәсе беркайчан сатылмый, әлбәттә. Типографиядә Изге китапны төрле формада, сыйфатлы кәгазьдә бастыралар, аудиодиск итеп чыгаралар. Әлбәттә, аны әзерләүдә тотылган чыгым өчен акча сорарга ярый. Коръәнне сатарга рөхсәт.
Коръән — һәр мөселманның өстәлендә булырга тиешле китап. Шуңа аны кеше сатып алырлык бәягә тәкъдим итәргә киңәш бирер идем. Акча эшлим дип, хакны кыйммәт кую дөрес булмас.
Борынгы Коръәнне сатуга куйганчы, хәзрәтләргә күрсәтсәләр, яхшырак булыр иде. Анда ниләр язылганын укып бирер идек. Акча артыннан куарга кирәкми. Изге китапны буыннан буынга күчә торган мирас итеп сакласак хәерле.
Фото: Youtube.com
--- |
Иң күп укылган
|