|
|
Бүген кемнәр туган
|
|
Архив
|
26.05.2021 Шоу-бизнес
Дилә Нигъмәтуллинаның әтисе әнисенең классташына өйләнгән (ФОТО)Татар эстрадасы җырчысы Дилә Нигъмәтуллина гаиләсендәге яңалыклар белән уртаклаша. Үги әнисе Дания ханымның юбилеена кайтып килгәннәр икән. Баксаң, күп кенә тамашачылары җырчының әтисе яңадан өйләнгәнлеген белми дә калган икән. Бу хакта Дилә болай дип яза: "Кичәге сторислардан соң, директны сораулар белән күмдегез.
Без тиз генә Мазарбашына кайтып килдек. Кичә әтинең хәләл җефете Дания апаның юбилее булды. Ул үткәрмим дигән иде дә, ә без чәчәк алдык та сюрприз эшләргә булдык. Килеп төштек! Әлбәттә, гаҗәпләнде.
Сез туган йортыгыз нигә ялгыз тора дип сораган идегез. Хикмәт шунда, әти хатыны белән аның йортында торалар. Аннары хуҗасы булган йортны ялгыз дип тә әйтеп булмый инде. Миңа калса, хәзер авылларда күп йортлар дачага әйләнеп бара.
Тагын бер кызыклы факт: әти үзенә иптәш итеп минем классташымның әнисен сайлады. Без аның белән кечкенә чактан бик дус идек. Аларга гел килеп йөри идем. Иске йортларындагы тимер караватның сеткасында сикереп уйный идек. Ә хәзер инде шул нигезгә кунакка кайтып йөрибез. Менә язмыш диярсең… «Сводные» сестры буламы әле?
Аллага шөкер, барысы да әкрен генә рәтләнеп килә кебек. Без бәхетле, Әлхәмдүлилләһ!" — дип язган җырчы.
--- |
Иң күп укылган
|