ӘЛМӘТ ТЕАТРЫ КАЗАНДА

17 октябрьдә Әлмәт татар дәүләт драма театры драматург Туфан Миңнуллин фестивалендә авторның “Монда тудык, монда үстек” спектаклен күрсәтә. Спектакльнең режиссеры Рөстәм Галиев, рольләрне театрның данлыклы артистлары Камил Вәлиев, Луиза Солтанова, Фоат Зарипов, Раушания Фәйзуллина, Рафик Таһиров, Рамил Минханов, Хөрмәт Фәйзуллин, Дилбәр Әбүнәгыймова, Нәфисә Исмәгыйловалар башкаралар.

Һәр кешенең туган җиренә, гаиләсенә, ата-бабасына лаеклы буласы килә. Өлкәннәр үзләреннән соң килгән буыннарның аларның хезмәтен дәвам итүен, яхшы ир, тәрбияле әти булуын күрергә тели. Тормыш дигән дәрьяда алай гына булып бетми шул. Спектакль геройлары әнә шул четерекле сорауга җавап эзлиләр.

Спектакль Тинчурин театрында кичке сәгать 6да башлана.

1

2

3

4