«ШАЯН ТВ» каналы әдәби бәйге игълан итә

Бу елны бөек шагыйребез Габдулла Тукайның тууына – 135 ел! Үзеннән соң бәһасез бай мирас калдырган, балалар өчен легендар әкиятләр язган, туган телебезгә иң ягымлы шигъри юллар багышлаган шагыйребез бүгенге көндә дә популяр, иҗаты шундый ук актуаль булып кала. Бу уңайдан, «ШАЯН ТВ» каналы бәйге игълан итә.

ШАРТЛАР:

1) Габдулла Тукай иҗатыннан иң яраткан әсәреңне укып видеога төшер;
2) Видеоны үз аккаунтыңа @shaiantv билгеләп #шаянтукайныукый хештегы белән 15 апрельгә кадәр урнаштыр;
3) Әлеге постка «Катнашам» дип яз һәм ике дустыңны билгелә

Катнашучыларның видеоязмалары «ШАЯН ТВ» каналының Вконтакте социаль челтәре битендә урнаштырылачак, ә соңыннан тавыш бирү игълан ителәчәк.

Ә хәзер иң кызыклысы - җиңүчеләргә акчалата бүләкләр әзерләнгән. 
1 урын – 15 000 сум;
2 урын – 10 000 сум;
3 урын – 5000 сум.

Катнаш, сөйләү осталыгыңны таныт һәм җиң! Уңышлар!